Wednesday , August 21 2019
শেহতীয়া খবৰ

শেহতীয়া সংবাদ

নতুন ৰূপত ম’ৰুঙ সাত ভনীৰ খাদ্য সম্ভাৰৰ সংযোজন “ম’ৰুঙ’ত

  ষ্টাফৰিপৰ্টাৰ, ২০ আগষ্ট : গুৱাহাটীৰ ৰাজগড়ৰ ৰাজগড় প্লাজাস্থিত “ম’ৰুঙ”ৰেস্তোৰাঁই নতুন ৰূপত খাদ্য ৰসিকক আদৰিবলৈ সাজু হৈছে। এতিয়াৰ পৰা ম’ৰুঙত খাদ্য ৰসিকে সাত ভনীৰ খাদ্য সম্ভাৰৰ জুতি ল’ব পাৰিব। ৰেস্তোৰাঁখনে মঙলবাৰে খাদ্য ৰসিকৰ বাবে উত্তৰ-পূৰ্বাঞ্চলৰ সাতখন ৰাজ্যৰ খাদ্যৰ সংযোজন ঘটাই মুকলি কৰে ” সাত ভনীৰ থালী” । এই উপলক্ষে মঙলবাৰে …

Read More »

বিবেকানন্দত চি চি পি এৰ লগতে আন কেইবাটাও কোম্পানীৰ সংবাদমেল গভীৰ সংকটত ভাৰতৰ চাহ উদ্যোগ

  ষ্টাফ ৰিপোৰ্টাৰ,,,২০ আগষ্ট।।।ভাৰতৰ চাহ উদ্যোগ ১৭০ বছৰৰো অধিক পুৰণি আৰু ই ১.২ মিলিয়ন মানুহক পোনপটীয়াকৈ নিযুক্তি দিছে। ভাৰতৰ ভিতৰুৱা আৰু অনুন্নত ৰাজ্য সমূহৰ আৰ্থ সামাজিক উন্নয়নত ই এক উল্লেখযোগ্য প্ৰভাৱ পেলাইছে। তদুপৰি ভাৰত পৃথিৱীৰ ভিতৰত চতুৰ্থ সৰ্ববৃহৎ চাহ ৰপ্তানীকাৰী দেশ। কিন্তু সম্প্ৰতি ভাৰতীয় চাহ উদ্যোগটোৱে বহু বাধাৰ সন্মুখীন হৈছে …

Read More »

বি আৰ লাইফে গুৱাহাটীত মুকলি কৰিলে টেলিমেডিচিন সেৱা

  ষ্টাফ ৰিপোৰ্টাৰ,,২০ আগষ্ট।।।।। আবুধাবিস্থিত বি আৰ এফ ভেঞ্চাৰৰ স্বাস্থ্য সেৱাৰ পদক্ষেপ হিচাপে বি আৰ লাইফে ইয়াৰ টেলিমেডিচিন সেৱা গুৱাহাটীত অনুষ্ঠানিকভাৱে মুকলি কৰে। এই সেৱাৰ জৰিয়তে বি আৰ লাইফে উত্তৰ পূৰ্বাঞ্চলৰ আৰু বিশেষকৈ দুৰ্গম অঞ্চলৰ লোকসকলক সেৱা আগবঢ়াব। মঙলবাৰে গুৱাহাটী প্ৰেছ ক্লাৱত এখন সংবাদমেলযোগে এই বিষয়ে সদৰী কৰি মাৰ্কেটিং ব্ৰেণ্ডিং …

Read More »

Recent Posts

নতুন ৰূপত ম’ৰুঙ সাত ভনীৰ খাদ্য সম্ভাৰৰ সংযোজন “ম’ৰুঙ’ত

 

ষ্টাফৰিপৰ্টাৰ, ২০ আগষ্ট : গুৱাহাটীৰ ৰাজগড়ৰ ৰাজগড় প্লাজাস্থিত “ম’ৰুঙ”ৰেস্তোৰাঁই নতুন ৰূপত খাদ্য ৰসিকক আদৰিবলৈ সাজু হৈছে। এতিয়াৰ পৰা ম’ৰুঙত খাদ্য ৰসিকে সাত ভনীৰ খাদ্য সম্ভাৰৰ জুতি ল’ব পাৰিব। ৰেস্তোৰাঁখনে মঙলবাৰে খাদ্য ৰসিকৰ বাবে উত্তৰ-পূৰ্বাঞ্চলৰ সাতখন ৰাজ্যৰ খাদ্যৰ সংযোজন ঘটাই মুকলি কৰে ” সাত ভনীৰ থালী” । এই উপলক্ষে মঙলবাৰে ৰেস্তোৰাঁখনত অনুষ্ঠিত এখন সংবাদমেলযোগে এই কথা সদৰী কৰে ৰেস্তোৰাঁখনৰ স্বত্বাধিকাৰী ৰুদ্ৰ ডেকাই। তেওঁ লগতে কয় “ম’ৰুঙে” খাদ্য ৰসিকৰ বিশেষ সঁহাৰি লাভ কৰি সাত বছৰ সফলতাৰে সম্পূৰ্ণ কৰিলে। এই উপলক্ষে “ম’ৰুঙে” নতুনকৈ ” সাত ভনীৰ থালী” মুকলি কৰিছে। এই থালীত থাকিব উত্তৰ-পূৰ্বাঞ্চলৰ ৰাজ্যক প্ৰতিনিধিত্ব কৰা অন্যতম খাদ্য সম্ভাৰ।” ৰেস্তোৰাঁখনৰ আন এজন অংশীদাৰ অৰিন্দম ভাৰ্গৱে সংবাদমেল যোগে কয় ” “বৰ্ত্তমান সময়ত পৰম্পৰাগত ভাৱে প্ৰস্তুত কৰা খাদ্য সমূহৰ বজাৰত অধিক চাহিদা বৃদ্ধি পাইছে । “সাত ভনীৰ থালী এ”, ৰাইজক নতুন সোৱাদ দিব বুলি আশা কৰিছোঁ। এই থালীৰ মূল্য হৈছে মাত্ৰ ৩৯৯ টকা। দেশী-বিদেশী সকলো পৰ্যটক অথবা খাদ্যৰসিকে ৰেস্তোৰাঁত আটাইখিনি সোৱাদ ল’ব পাৰিব।” সংবাদমেলত উপস্থিত থাকি ৰাষ্ট্ৰীয় গ্ৰামীণ বিকাশ নিধিৰ কাৰ্য্যবাহী সঞ্চালক ডঃ অমিয় কুমাৰ শৰ্মা, নেডফিৰ উপ- মহাপ্ৰবন্ধক মনোজ কুমাৰ দাস, গুৱাহাটী চিকিৎসা মহাবিদ্যালয়ৰ মনোৰোগ বিশেষজ্ঞ ডা‌‌‌‌‌০ সীমান্ত তালুকদাৰ, উদ্যোগী সত্যেন মহন্ত, অসম ৰাজ্যিক চিৰিয়াখানাৰ বন সংমণ্ডল প্ৰাধিকাৰী টেজাছ মৰিস্বামী,সু লেখিক প্ৰজ্ঞা, আদি বিশিষ্ট ব্যক্তি উপস্থিত থাকি “সাত ভনীৰ থালী” মুকলি কৰে।
ইয়াৰ লগতে “বৰ্ত্তমান সময়ত চলি থকা খাদ্য সম্ভাৰৰ ধাৰা” শীৰ্ষক এখন আলোচনা চক্ৰও আয়োজন কৰা হয়। ইয়াত আমন্ত্ৰিত বিভিন্ন বিশিষ্ট ব্যক্তিৰ বিভিন্ন মত লোৱা হয় আৰু পৰম্পৰা গত খাদ্য সম্ভাৰক কিদৰে আগুৱাই নিব পাৰি সেই বিষয়ে আলোকপাত কৰা হয়। উল্লেখ এই খাদ্য সম্ভাৰত অৰুণাচল সিজোৱা কুকুৰা মাংস মেজেঙাৰ সৈতে, অসমৰ মাছৰ টেঙা, দাইল, গুটি আলু ভাঁজি, পচলা, শাক, খাৰ, মণিপুৰৰ কলা চাউলৰ পায়স, নগালেণ্ডৰ বাঁহৰ গাজেৰে গাহৰিৰ মাংস, ত্ৰিপুৰাৰ গুডক, মিজোৰামৰ বাই আদি থাকিব।

বিবেকানন্দত চি চি পি এৰ লগতে আন কেইবাটাও কোম্পানীৰ সংবাদমেল গভীৰ সংকটত ভাৰতৰ চাহ উদ্যোগ

 

ষ্টাফ ৰিপোৰ্টাৰ,,,২০ আগষ্ট।।।ভাৰতৰ চাহ উদ্যোগ ১৭০ বছৰৰো অধিক
পুৰণি আৰু ই ১.২ মিলিয়ন মানুহক পোনপটীয়াকৈ নিযুক্তি দিছে। ভাৰতৰ ভিতৰুৱা আৰু অনুন্নত ৰাজ্য সমূহৰ আৰ্থ সামাজিক উন্নয়নত ই এক উল্লেখযোগ্য প্ৰভাৱ পেলাইছে। তদুপৰি ভাৰত পৃথিৱীৰ ভিতৰত চতুৰ্থ সৰ্ববৃহৎ চাহ ৰপ্তানীকাৰী দেশ। কিন্তু সম্প্ৰতি ভাৰতীয় চাহ উদ্যোগটোৱে বহু বাধাৰ সন্মুখীন হৈছে আৰু তাৰ প্ৰভাৱ অসমতো পৰিছে। চিৰস্থায়ীভাবে বৰ্ধিত উৎপাদন ব্যয়, চাহিদা আৰু যোগানৰ মাজত অসামঞ্জস্যৰ
ফলস্বৰূপে অত্যাধিক যোগান উচ্চ লেন-দেন আদিৰ ক্ষেত্ৰত হোৱা প্ৰত্যাহ্বান সমূহ জলবায়ুৰ পৰিৱৰ্তন ফলত হোৱা প্ৰতিকূলতাসমুহ আদিৰ প্ৰেক্ষাপটত হোৱা মূল্যৰ স্থাবিৰতাৰ ফলত এই উদ্যোগতো ব্যয়ৰ চাপত পৰিছে। মঙলবাৰে এই সন্দৰ্ভত চি চি পি এ’ য়ে এখন সংবাদমেল আয়োজন কৰে। সংবাদমেলত উপস্থিত থাকি নৰ্থ ইষ্ট টি এছ’চিয়েছেনৰ উপদেষ্টা বিদ্যানন্দ বৰকটকী য়ে কয়”-চাহ উদ্যোগ বৰ্তমান গভীৰ সংকটত আছে।আমি কেইবাটাও দাবী উত্থাপন কৰি ৰাজ্য আৰু কেন্দ্ৰ চৰকাৰক পত্ৰ প্ৰেৰণ কৰিছোঁ। চাহ কৰ্মী সকলে বহুতো সমস্যাৰ সন্মুখীন লবলগীয়া হৈছে।যেনে,পৰ্যাপ্ত এটি এম’ৰ অভাৱ, চিকিৎসা লয় আৰু বিদ্যালয় সমূহ অধিগ্ৰহণ হোৱা নাই। বাগানিয়া অঞ্চলত এম জি এন ৰেগা আচঁনিও কাৰ্য কাৰি হোৱা নাই। এইবাৰ দূর্গা পূজাৰ বোনাচ চাহ শ্ৰমিক সকলে ২০ শতাংশ ৰ ঠাইত ৮.৩৩ শতাংশ লাভ কৰিব। গতিকে আমি চৰকাৰক দাবী জনাইছো যাতে এইবোৰ সমস্যাৰ সমাধান কৰাৰ লগতে তিনিবছৰৰ বাবে চাহ শ্ৰমিকৰ পি এফ চৰকাৰক দিবলৈ আমি অনুৰোধ জনাইছোঁ।” সংবাদমেলত ইণ্ডিয়ান টি এছ”চিয়েছনৰ অধ্যক্ষ বিবেক গোয়েংকাৰ লগতে অন্যান্য সংস্থাৰ বিষয় ববীয়া উপস্থিত থাকে।

বি আৰ লাইফে গুৱাহাটীত মুকলি কৰিলে টেলিমেডিচিন সেৱা

 

ষ্টাফ ৰিপোৰ্টাৰ,,২০ আগষ্ট।।।।।

আবুধাবিস্থিত বি আৰ এফ ভেঞ্চাৰৰ স্বাস্থ্য সেৱাৰ পদক্ষেপ হিচাপে বি আৰ লাইফে ইয়াৰ টেলিমেডিচিন সেৱা গুৱাহাটীত অনুষ্ঠানিকভাৱে মুকলি কৰে। এই সেৱাৰ জৰিয়তে বি আৰ লাইফে উত্তৰ পূৰ্বাঞ্চলৰ আৰু বিশেষকৈ দুৰ্গম অঞ্চলৰ লোকসকলক সেৱা আগবঢ়াব। মঙলবাৰে গুৱাহাটী প্ৰেছ ক্লাৱত এখন সংবাদমেলযোগে এই বিষয়ে সদৰী কৰি মাৰ্কেটিং ব্ৰেণ্ডিং আৰু কৰ্পৰেট কমিউনিকেচনৰ গ্রুপ মুৰব্বী ডাঃ সীমান্ত শৰ্মাই কয়”ভাৰতবৰ্ষত চিকিৎসা সেৱাৰ এক আমূল পৰিবৰ্তন ঘটিছে, কিন্তু এতিয়াও গাঁও অঞ্চলত চিকিৎসা সেৱা আৰু আন্তঃগাঁঠনিৰ যথেষ্ট উন্নীতকৰণ কৰিবলগীয়া আছে। টেলিমেডিচিন সেৱাৰ জড়িয়তে যি সকল ৰোগী’য়ে পিছপৰা অঞ্চলৰ পৰা উন্নতমানৰ চিকিৎসা আৰু বিশেষজ্ঞৰ লগত পৰামৰ্শৰ বাবে মহানগৰত আহিব বিচাৰে তেওঁলোকৰ বাবে ই এটা বৃহৎ সহায়ৰ ব্যৱস্থা হিচাপে উপলব্ধ হ’ব”। উল্লেখযোগ্য যে,বি আৰ লাইফে প্ৰদান কৰা এই সুবিধাৰ জৰিয়তে ৰোগীসকলৰ ভাৰ্চুৱেলি পৰীক্ষা কৰিবলৈ সক্ষম হ’ব। বি আৰ লাইফ বেংগালুৰু, ভুৱনেশ্বৰ, ত্ৰিবাদ্রুম উডুপি আৰু ৰায়পুৰত বিভিন্ন হাস্পতালৰ পৰা কাৰ্যসম্পাদন কৰি আছে। উল্লেখ ২২ আগষ্ট’ৰ পৰা গুৱাহাটীৰ বি বৰুৱা কলেজ ৰোড’ৰ সমীপৰ পৰা সেৱা আগবঢ়াব।

লক্ষ্য বিশ্ব অভিলেখ : বঙাইগাঁৱত ২৯ চেপ্তেম্বৰত ছশ চিত্ৰশিল্পীৰ দ্বাৰা চিত্ৰাংকন প্ৰদৰ্শন লক্ষ্য

বঙাইগাঁৱত বিশ্ব অভিলেখ সৃষ্টিৰ বাবে ২৯ চেপ্তেম্বৰত ছশ চিত্ৰশিল্পীৰ দ্বাৰা চিত্ৰাংকন প্ৰদৰ্শন

বঙাইগাঁওঃ ২০ আগষ্টঃ একেৰাহে ২৬ ঘন্টা ৪১ মিনিট মেণ্ডোলিন বজাই বিশ্ব অভিলেখ সৃষ্টিকাৰী কুন্তল ৰাজ চক্ৰৱৰ্তীৰ তত্বাৱধানত তথা ইণ্ডিয়া ওৱাল্ড ৰেকৰ্ড (India’s World Records)ৰ সৌজন্যত অৰেভা( OREVA) নামৰ ফেচন এণ্ড কালচাৰেল ইভেন্ট মেনেজমেন্টে অহা ২৯ চেপ্তেম্বৰৰ পুৱা ১০ বজাত বঙাইগাঁও চহৰৰ বৰপাৰাস্থিত চিলাৰায় ইণ্ডোৰ ষ্টেডিয়ামত বিশ্ব অভিলেখ সৃষ্টিৰ প্ৰচেষ্ঠা হিচাপে এখনি সমূূহীয়া চিত্ৰাংকনৰ আয়োজন কৰিছে ৷ আজি বৃহত্তৰ বঙাইগাঁও প্ৰেছ ক্লাবত অনুষ্ঠিত এখন সংবাদ মেলত আয়োজক সমিতিয়ে এই কথা সদৰি কৰে ৷ সংবাদ মেলত কুন্তল ৰাজ চক্ৰৱৰ্তীয়ে সদৰি কৰা মতে বিশ্ব অভিলেখ সৃষ্টিৰ বাবে আয়োজন কৰা এই চিত্ৰাংকন প্ৰদৰ্শনত ছশৰো অধিক চিত্ৰশিল্পী তথা ছাত্ৰ- ছাত্ৰীয়ে অংশ গ্ৰহণ কৰিব পাৰিব ৷ এই চিত্ৰাংকন প্ৰদৰ্শন অনুষ্ঠানত অংশগ্ৰহণকাৰীসকলৰ বয়সৰ উৰ্দ্ধতম সীমা ২৪ বছৰৰ ভিতৰত হব লাগিব ৷ চিত্ৰাংকন প্ৰদৰ্শন অনুষ্ঠানত অংশ গ্ৰহণৰ বাবে অংশগ্ৰহণকাৰীসকলে অহা ১০ চেপ্তেম্বৰৰ ভিতৰত প্ৰ-প্ৰত্ৰসহ ৭০০ টকা ভৰ্তি মাচুল আয়োজক সমিতিক জমা দিব লাগিব ৷ নামনি অসম ভিত্তিত অনুষ্ঠিত হ’বলগীয়া সমূহীয়া চিত্ৰাংকন প্ৰদৰ্শন অনুষ্ঠানত অংশগ্ৰহণকাৰীসকলে প্ৰত্যেকে একোখনকৈ প্ৰমাণ পত্ৰ আৰু একোটাকৈ মেডেল লাভ কৰিব ৷ অংশগ্ৰহণকাৰীসকলে চিত্ৰাংকন অনুষ্ঠানত গোলীয় উষ্ণতা, অসমৰ বানপানী অথবা পানী সংৰক্ষণ বিষয় তিনিটাৰ ভিতৰত যি কোনো এটা বিষয় বাচনি কৰি চিত্ৰ অংকন কৰিব পাৰিব ৷ তাৰোপৰি অংশগ্ৰহণকাৰীসকলক চাৰিটা শাখাত ভাগ কৰি প্ৰতিটো শাখাৰ প্ৰথম, দ্বিতীয় আৰু তৃতীয় স্থান লাভ কৰাসকলক অৰেভাৰ তৰফৰ পৰা পুৰস্কৃত কৰা হ’ব বুলিও সংবাদ মেলত প্ৰকাশ কৰে ৷ সংবাদ মেলত কুন্তল ৰাজ চক্ৰৱৰ্তীয়ে জানিবলৈ দিয়া মতে বিগত ২০১৮ বৰ্ষত পাঞ্জাৱত ৪৫০ গৰাকী চিত্ৰশিল্পীয়ে সমূহীয়াভাৱে চিত্ৰাংকন প্ৰদৰ্শন অনুষ্ঠানত অংশগ্ৰহণ কৰি অভিলেখ গঢ়িছিল ৷ সেয়ে তেওঁ কয় যে আমি আশাবাদী যে সেই অভিলেখ ভাঙি নতুন অভিলেখ গঢ়িবলৈ সক্ষম হ’ম ৷ চিত্ৰাংকনত অংশগ্ৰহণকাৰীসকলে এঘন্টাৰ ভিতৰত বাচনি কৰি লোৱা নিজৰ নিজৰ বিষয়ৰ চিত্ৰ অংকন কৰিব লাগিব ৷ এই বিশ্ব অভিলেখ গঢ়াৰ প্ৰচেষ্টাৰ চিত্ৰাংকন অনুষ্ঠান ইণ্ডিয়া ওৱাল্ড ৰেকৰ্ডৰ পৰা অহা বিচাৰক মণ্ডলীৰ উপস্থিতিত অনুষ্ঠিত হ’ব ৷ অসমৰ শিল্পীক বিশ্বদৰবাৰলৈ আগবঢ়াই লৈ যোৱাৰ এই প্ৰয়াস তথা বিশ্ব অভিলেখ গঢ়াৰ বাবে চলোৱা এই প্ৰচেষ্টাক এটা সম্পূৰ্ণ নতুন অভিজ্ঞতা হিচাপে গ্ৰহণ কৰি সকলোকে সামাজিক দায়িত্ববোধেৰে আগবাঢ়ি আহি অনুষ্ঠানটি ফলৱৰ্তী কৰি তোলাত সহায় – সহযোগ কৰিবলৈ আয়োজক সমিতিয়ে আহ্বান জনায় ৷ লগতে এই চিত্ৰাংকন অনুষ্ঠানত অংশগ্ৰহণ কৰিব বিচৰাসকলে ৮০১১৮১৯৬৬৮, ৯৯৫৭৬৯৪৫৯৫ আৰু ৯৯৫৭১১৬১৪০ মোবাইল নম্বৰত যোগাযোগ কৰিব পাৰিব বুলি কয় ৷ ইতিমধ্যে বিভিন্ন আৰ্ট স্কুলসমূহত আয়োজক সমিতিয়ে প্ৰ-প্ৰত্ৰ যোগান ধৰিছে ৷ সংবাদ মেলত সত্য দাস আৰু য়োগীৰাজ চক্ৰৱৰ্তীও উপস্থিত থাকি অনুষ্ঠানটিৰ বিষয়ে উল্লেখ কৰে ৷

ৰঙিয়াৰ ৰাষ্ট্ৰীয় ঘাইপথত ভয়াবহ পথ দুৰ্ঘটনা

ৰঙিয়াৰ ৰাষ্ট্ৰীয় ঘাইপথত ভয়াবহ পথ দুৰ্ঘটনা

আহত তিনিজনক সংকটজনক অৱস্থাত জিএনআৰচি লৈ প্ৰেৰণ

প্ৰতিবেদক, ৰঙিয়া ২০ আগষ্টঃ দুৰ্ঘটনা প্ৰবন এলাকাত পৰিনত হৈছে ৰঙিয়াৰ ৩১ নং ৰাষ্ট্ৰীয় ঘাইপথৰ বালাগাওঁ অঞ্চল। এই অঞ্চলত দুৰ্ঘটনা সংঘটিত হোৱাটো এক নিত্য নৈমিত্তিক ঘটনাত পৰ্যবসিত হৈছে ।আজি আবেলি পুনৰ সংঘটিত হয় এক ভয়ংকৰ পথ দুৰ্ঘটনা । বৰপেটাৰ সমীপৰ হাউলীত মৃতকৰ খবৰ লবলৈ আহি দূৰ্ঘটনাটত পতিত হৈ গুৰুতৰ ভাৱে আহত হয় গুৱাহাটী মালিগাওঁৰ এটা পৰিয়ালৰ তিনি সদস্যই । দুৰ্ঘটনাটো ইমান ভয়াবহ আছিল যে দীৰ্ঘ সময় ধৰি গাড়ীৰ ভিতৰত আবদ্ধ হৈ আছিল আহত তিনিজন। পাছত স্থানীয় ৰাইজৰ তৎপৰতাত জীৱন্তে উদ্ধাৰ হয় তিনিওজন ব্যক্তি । কিন্তু তিনিওজন গুৰুতৰ ৰূপে আহত হয় । ঘটনাৰ খবৰ পোৱাৰ লগে লগে ৰঙিয়া আৰক্ষীয়ে দুৰ্ঘটনাস্থলীত উপস্থিত হৈ ৰাইজৰ সহযোগত আহত তিনিজনকে ৰঙিয়া অসামৰিক চিকিৎসালয়ত প্ৰেৰণ কৰে যদিও স্বাস্থ্যৰ অৱস্থা অৱনতি হোৱাত তেওঁলোকক জি এন আৰ চিলৈ প্ৰেৰণ কৰোৱা হয় ।অৱশ্যে পাছলৈ পিতৃ আৰু কনমানি পুত্ৰ সন্তানক আয়ুৰচন্দ্ৰা চিকিৎসালয়লৈ স্থানান্তৰ কৰা হয়।উল্লেখ্য মালিগাওঁৰ সীমান্ত কলিতাই (৩৫) পত্নী নয়নমনি দাস কলিতা( ২৮) আৰু সাত বছৰীয়া পুত্ৰ দ্ৰোণ কাশ্যপৰ সৈতে মৃতকৰ খবৰ লবলৈ হাউলী অভিমুখে এএছ ০১ডিৱাই-০৫১৫ ৰিনল্ট কুইড গাড়ী খনৰে
গৈ থকাৰ সময়ত দুৰ্ঘটনাটো সংঘটিত হয় । প্ৰত্যক্ষদৰ্শীৰ বিবৰণ অনুসৰি আগে আগে গৈ থকা বাছখনে যাত্ৰী উঠাবলৈ হঠাতে ব্ৰেক মাৰি দিয়াত পিছত থকা তীব্ৰ বেগী গাড়ীখনে খুন্দা মৰাত এই ভয়ঙ্কৰ দুৰ্ঘটনাৰ সম্মুখীন হয়। দুৰ্ঘটনাত কলিতাৰ বিলাসী গাড়ীৰ সম্মুখ ভাগ সম্পূৰ্ণ ৰূপে ভাঙি চুৰমাৰ হৈ যায়।
প্ৰেৰক, পহৰেদ আলী আহমেদ ।ৰঙিয়া ।

শিৱসাগৰত কৃষি বিভাগৰ কঠীয়া বিতৰণ অনুষ্ঠানৰ শুভাৰম্ভ 

শিৱসাগৰত কৃষি বিভাগৰ কঠীয়া বিতৰণ অনুষ্ঠানৰ শুভাৰম্ভ
ফাৰ্ষ্ট নিউজ ,শিৱসাগৰ ২০ আগষ্ট ,   জয়ৰাপাৰ অঞ্চলৰ এগৰাকী কৰ্মঠ আৰু আদৰ্শবান কৃষক ৰূপে পৰিচিত ৰাজু গগৈ । বহু বছৰ দিন কৃষি কৰ্মৰ লগত জড়িত ৰাজু গগৈয়ে প্ৰতি বছৰে ৫০ ৰ পৰা ৫৫ বিঘা মাটিত খেতি কৰি আৰু সেইমাটিত উৎপাদিত ধান বিক্ৰী বিক্ৰী কৰি কৰি জীৱিক নিৰ্বাহ কৰি আহিছে। কেৱল যে তেওঁ এজন আদৰ্শবান  কৃষকেই যে এনে নহয় বাহ -কাঠেৰে সামগ্ৰী বনোৱা তেওঁ এজন পাকৈত বাঢ়ৈ। শেহতীয়াকৈ ব্যক্তি জন চৰ্চালৈ আহিছে এক প্ৰশংসনীয় কামৰ বাবে । হৈ যোৱা বানত খেতিয়কৰ দূৰ্দশা দেখি হৃদয় কঁপি উঠিছিল ৰাজু গগৈৰ । বিশেষকৈ লহপহকী বাঢ়ি অহা কঠীয়াৰ তলি খন বাঢ়নী পানীয়ে বুৰাই পেলোৱাত মৰ্মান্তিক আঘাট পাইছিল ৰাজু গগৈয়ে।যি হেতু তেওঁ নিজেও এজন কৃষক। সেইবাবে কৃষকৰ হাড় ভগা শ্ৰম মূল্য মৰ্মে মৰ্মে উপলব্ধি কৰিব পাৰে ৰাজু গগৈয়ে  । সেইসূত্ৰে বানপানীত কঁঠীয়া হেৰুওৱা শিৱসাগৰ মহকুমাৰ কমেও ১০০ জন কৃষকক কঠীয়া যোগান ধৰাৰ মানসেৰে ১০ বিঘা মাটিত শিৱসাগৰ জিলাৰ কৃষি বিভাগৰ চুণপোৰা কৃষি চক্ৰৰ সহযোগত  কঠীয়া সিঁচিছিল  ৰাজু গগৈয়ে । বিনা ২০ নামৰ নব্য প্ৰজাতিৰ ধান বিধৰ এই কঁঠীয়া সমুহ প্ৰায় ৰুব পৰা হৈছে। নিজে কেইবাৰো মাটি চহাই নিজৰ প্ৰচেষ্টাৰে বেৰা দি ৰাজু গগৈয়ে সিঁচা কঠীয়া  বানাক্ৰান্ত ব্যক্তিক সহায় কৰাৰ মানসেৰে সিচা  কঠীয়া সমূহ কালি শিৱসাগৰ জিলাৰ চুণপোৰা কৃষি চক্ৰৰ সহযোগত অসম অসম চৰকাৰৰ দুুযোগ ব্যৱস্থাপনা আঁচনিৰ অধীনত কঠীয়া পৰা স্থলীতে বানত ক্ষতিগ্ৰস্থ কৃষকৰ মাজত বিতৰণ প্ৰক্ৰিয়াৰ শুভাৰম্ভ কৰা হয় ।এই কঠীয়া বিতৰণ অনুষ্ঠানৰ শুভাৰম্ভ কৰে দিচাংপাৰ গাওঁ পঞ্চায়তৰ সদস্যা বিজয়া শইকীয়াই আৰু কৃষি বিভাগৰ ৰূপন বৰুৱাই । কালি উদ্ধোধন কৰা এই আচনিৰ জড়িয়তে সংহাৰী বানত ক্ষতি গ্ৰস্থ হোৱা কৃষক পৰিয়ালে কিছু সকাহ পাব l

শিৱ এগৰাকী মিউজিচিয়ান আছিল, সেয়ে মই ভাল পাঁও : শিৱদৌলত জুবিন গাৰ্গ

কাঞ্চনজংঘাৰ প্ৰচাৰত শিৱসাগৰত জুবিন; শিৱদ’লৰ ব্ৰাহ্মণৰ ওচৰত আৰ্শীবাদ ললে জুবিনে।

ফাৰ্ষ্ট নিউজ , শিৱসাগৰ , ২০ আগষ্ট : অহা ৬ ছেপ্তেম্বৰত মুক্তি পাব লগীয়া জুবিন গাৰ্গৰ ছবি কাঞ্চনজংঘাৰ প্ৰচাৰৰ বাবে আজি তিনিদিন ধৰি শিৱসাগৰত আছে জুবিন গাৰ্গ। শিৱসাগৰৰ বিভিন্ন স্থানত ছবিখনৰ প্ৰচাৰ কৰি আছে জুবিনৰ লগতে ছবি খনৰ বহু কেইগৰাকী অভিনেতা অভিনেত্ৰীয়ে।

কাঞ্চনজংঘাৰ সাফল্য বিচাৰি আজি শিৱসাগৰৰ ঐতিহাসিক শিৱদ’লত পূজা কৰিলে জুবিন গাৰ্গ আৰু কাঞ্চনজংঘাৰ টীমে। শিৱদ’লৰ কুণ্ডত গাখীৰ ঢালি শিৱবাবাৰ আৰ্শীবাদ লয় জুবিনে।

উল্লেখ্য যে কিছুদিন পূৰ্বে ব্ৰাহ্মণ সমাজক আৰু লগোনক লৈ জুবিনে কৰা মন্তব্যত জাঙুৰ খাই উঠিছিল ব্ৰাহ্মণ সমাজ। পৰৱৰ্তী সময়ত জুবিনে ব্ৰাহ্মণ সমাজৰ ওচৰত লিখিতভাৱে ক্ষমা খুজে আৰু সকলো বিতৰ্কৰ ওৰ পেলায় আজি জুবিনে শিৱ দ’লত পূজা কৰি পূজাৰীৰ ওচৰত আৰ্শীবাদ লয় এইদৰে।

“মই শিৱক ভাল পাও। মোৰ ছবি মিচন চাইনাত শিৱ মন্ত্ৰ ব্যৱহাৰ কৰিছো, কাঞ্চনজংঘাত ও হিমালয় মন্ত্ৰ ব্যৱহাৰ কৰিছো। শিৱ ট্ৰাইবেল ভগৱান আছিল। শিৱ এগৰাকী মিউজিচিয়ান আছিল, তেওঁ নৃত্য ও কৰিছিল। সেইবাবে মই শিৱক ভাল পাও”।
‘দেশৰ বিভিন্ন শিৱ মন্দিৰ মই দৰ্শন কৰিছো। শিৱসাগৰৰ ঐতিহাসিক শিৱ মন্দিৰত পূজা কৰি, মন্দিৰ দৰ্শন কৰি বহুত ভাল লাগিল বুলি মন্তব্য কৰে জুবিনে’।

জুবিনে লগতে কয়, তেওঁৰ পৰৱৰ্তী ছবি শিৱসাগৰত বনাব। আৰু সকলোকে ৬ ছেপ্তেম্বৰত অসমৰ ছবিগৃহত মুক্তি পাব লগীয়া অসমীয়া ছবি কাঞ্চনজংঘা চাবলৈ আহ্বান জনায়।

কমতাপুৰ আৰু জনজাতিকৰ আন্দোলনক অধিক তৰাম্বিত কৰাৰ সংকল্প

বঙাইগাঁৱত কোচ ৰাজবংশী যুৱ ছাত্ৰ সন্মিলনীৰ কেন্দ্ৰীয় কাৰ্যনিৰ্বাহক সভা

কমতাপুৰ আৰু জনজাতিকৰ আন্দোলনক অধিক তৰাম্বিত কৰাৰ বাবে কেবাটাও গুৰুত্বপূৰ্ণ সিদ্ধান্ত গ্ৰহণ

বঙাইগাঁওঃ ২০ আগষ্টঃ সদৌ অসম কোচ ৰাজবংশী যুৱ ছাত্ৰ সন্মিলনীৰ এখন কেন্দ্ৰীয় কাৰ্যনিৰ্বাহ সভা আজি সংগঠনটোৰ বঙাইগাঁও চহৰৰ চিলাৰায় বজাৰস্থিত মুখ্য কাৰ্যালয়ত অনুষ্ঠিত হয় ৷ পুৱা ১১ বজাত অনুষ্ঠিত উক্ত কাৰ্যনিৰ্বাহক সভাত কমতাপুৰ ৰাজ্য গঠন আৰু জনজাতিকৰণৰ দাবীত চলি থকা আন্দোলন অধিক তৰাম্বিত কৰাৰ উদ্দেশ্যে কেইবাটাও গুৰুত্বপূৰ্ণ সিদ্ধান্ত গ্ৰহণ কৰে ৷ সেইদৰে সদৌ অসম কোচ ৰাজবংশী যুৱ-ছাত্ৰসন্মিলনীয়ে কমতাপুৰ আৰু জনজাতিকৰণৰ দাবীত জনমত আৰু অধিক সবল কৰাৰ বাবে বিভিন্ন ব্যক্তিৰ লগত মত বিনিময় আৰু প্ৰচাৰ কাৰ্যসূচী গ্ৰহণ কৰাৰো প্ৰস্তাৱ গ্ৰহণ কৰি এই কাৰ্যসূচী ২৫ আগষ্টত ধুবুৰী জিলাৰ পৰা আৰম্ভ কৰাৰো সিদ্ধান্ত গ্ৰহণ কৰে ৷ আনহাতে অহা ১০ চেপ্তেম্বৰত উত্তৰ শালমাৰাত কমতাপুৰ আৰু জনজাতিকৰণৰ দাবী সন্দৰ্ভত কৰ্মশালা অনুষ্ঠিত কৰাৰ লগতে ২৪ চেপ্তেম্বৰত কমতাপুৰ ৰাজ্য পুনৰ গঠন আৰু জনজাতিকৰণৰ দাবীত গুৱাহাটীত ধৰ্ণা কাৰ্য ৰূপায়ণ কৰাৰো প্ৰস্তাৱ গ্ৰহণ কৰা হয় বুলি সংগঠনটোৰ সভাপতি ত্ৰৈলোক্য ৰায় আৰু সাধাৰণ সম্পাদক ধৰ্মেন্দ্ৰ ৰায়ে এক প্ৰেছ বিবৃতিত উল্লেখ কৰিছে ৷ বিবৃতিটোত লগতে নেতাদ্বয়ে কয় যে কমতাপুৰ ৰাজ্যৰ দাবী ন্যায় সংগত আৰু বাস্তৱ ৷ এই দাবী সফল হবই ৷ সেয়ে কমতাপুৰৰ ভূমিত বড়োলেণ্ড বা বড়ো কেন্দ্ৰীয় শাসিত ৰাজ্য গঠন হবলৈ দিয়া নহ’ব বুলি পুনৰ হুংকাৰ দিছে সংগঠনটোৱে ৷

অশ্বক্লান্ত দেৱালয়ত শ্ৰী কৃষ্ণৰ জন্মাষ্টমী পৰ্বৰ আয়োজন

অশ্বক্লান্ত দেৱালয়ত শ্ৰী কৃষ্ণৰ জন্মাষ্টমী পৰ্বৰ আয়োজন।

পঙ্কজ নাথ, চাংসাৰি, ২০ আগষ্ট :

কামৰূপ জিলাৰ অন্তৰ্গত উত্তৰ গুৱাহাটীৰ মাজগাওঁস্থিত বিষ্ণুতীৰ্থ শ্ৰী শ্ৰী অশ্বক্লান্ত দেৱালয় ৩০০ বছৰ অতিক্ৰম কৰা এখনি ঐতিহাসিক দেৱালয়। অসমৰ পবিত্ৰ গয়া তীৰ্থ ৰূপে খ্যাত দেৱালয়খনত পূৰ্বৰ পৰম্পৰা অনুসৰি এইবেলিও দেৱালয় প্ৰাংগণত অহা ৫ ভাদ ইংৰাজী ২৩ আগষ্ট শুক্ৰবাৰে এদিনীয়া কাৰ্যক্ৰমণিকাৰে শ্ৰী কৃষ্ণ জন্মাষ্টমী পৰ্ব উদযাপনৰ আয়োজন কৰা হৈছে । কাৰ্যক্ৰমণিকা অনুসৰি ২৩ আগষ্টৰ পূৱা ৮ বজাত দেৱালয়ৰ ধ্বজ উত্তোলনৰে সভাপতি তথা দলৈ লক্ষেশ্বৰ শৰ্মাই জন্মাষ্টমী অনুষ্ঠান মুকলি কৰিব। ৯ বজাত গছপুলি ৰোপন কাৰ্যসূচীত অংশগ্ৰহণ কৰিব দেৱালয়ৰ উপদেষ্টা মণ্ডলীয়ে। ১০ বজাৰ পৰা আয়তিৰ নাম পৰিবেশন। নিভা হাজৰিকাৰ নামদল, মিলিজুলি নামদল, দিহিঙিয়া খেল নামদল আৰু কৃষ্ণনগৰ শিৱমন্দিৰ নামদলে অংশগ্ৰহণ কৰিব। দুপৰীয়া ২বজাত ভোগ বিতৰণ । সন্ধিয়া ৬ বজাৰ আমন্ত্ৰিত শিল্পী ত্ৰৈলোক্য ডেকাক নাগাৰা নাম পৰিবেশন। সন্ধিয়া ৭ বজাত জন্মাষ্টমী পূজা আৰম্ভ হব। নিশা ১০ বজাৰত মহাশান্তি ও ভোগ বিতৰণ । এইবাৰৰ জন্মাষ্টমী অনুষ্ঠানত স্হানীয় বিধায়ক তথা অসম চৰকাৰৰ বিত্ত, স্বাস্থ্য, গড়কাপ্তানী বিভাগৰ মন্ত্ৰী ডঃ হিমন্ত বিশ্ব শৰ্মা আৰু প্ৰাইড ইষ্ট এন্টাৰটেইনমেন্ট প্ৰাঃ লিঃৰ মূখ্য প্ৰবন্ধ নিৰ্দেশক ৰিণিকি ভূঞা শৰ্মাই অংশগ্ৰহণ কৰিব বুলি আয়োজক সমিতি তৰফৰ পৰা উপদেষ্টা মুকুটেশ্বৰ গোস্বামীয়ে জানিবলৈ দি সেইদিনাৰ সকলো কাৰ্য্যসূচীতে ভক্তপ্ৰাণ ৰাইজৰ সহযোগীতা ও উপস্থিতি আন্তৰিকতাৰে কামনা কৰিছে।

নাজিৰাত বিদ্যালয়তে শিক্ষকৰ যৌন আভিচাৰত লিপ্তৰ অভিযোগ

নাজিৰাত বিদ্যালয়তে শিক্ষকৰ যৌন আভিচাৰত লিপ্তৰ অভিযোগ । কলংকৃত কৰিলে শিক্ষক সমাজক
ফাষ্টনিউজ ৰিপৰ্ট, নাজিৰা, ২০ আগষ্ট
নাজিৰা মহকুমাৰ অন্তৰ্গত নাজিৰা শিক্ষাখণ্ড এলেকাৰ অধীনৰ এখন বিদ্যালয়তে এজন শিক্ষকে বিদ্যালয়ৰ কৰ্মৰত এগৰাকী অঙ্গনৱাড়ী কৰ্মীক কোনো নথকাৰ সুবিধা গ্ৰহন কৰি যৌন অভিচাৰত লিপ্ত হোৱাৰ অভিযোগ উঠিছে । অভিযোগ মতে নাজিৰা শিক্ষাখণ্ডৰ অধীনৰ পানবাৰী প্ৰাথমিক বিদ্যালয়ৰ সহ শিক্ষক আমিৰ হুছেইনে বিদ্যালয়ৰে এগৰাকী অঙ্গনৱাড়ী কৰ্মীৰ লগত ১৭-০৭-২০১৯ তাৰিখে বিদ্যালয়ৰ গৰম বন্ধৰ সময়ত বিদ্যালয়ৰ ভিতৰতে শাৰীৰিক অপকৰ্মত লিপ্ত হোৱাৰ সময়তে ধৰা পৰে । ৰাইজৰ অভিযোগ পুৰ্বতেও এই শিক্ষক জনে বিদ্যালয়ৰ এগৰাকী পঞ্চমশ্ৰেণীৰ ছাত্ৰীক ধৰ্ষণ কৰিছিল বুলি গেলেকী আৰক্ষী থানাত গোচৰ দিছিল আৰু আজি পৰ্য্যন্ত এই ধৰ্ষণৰ গোচৰ চলি আহিছে । উক্ত সময়তে ধৰ্ষণৰ অভিযোগত শাস্তি হিচাবে বিদ্যালয়ৰ পৰা তিনিমাহ চাকৰিৰ পৰা নিলম্বিত কৰিছিল আৰু প্ৰধান শিক্ষক পদৰ পৰা নাম কাটিছিল । পুনৰ একেজন শিক্ষকে বিদ্যালয়ৰ এগৰাকী অঙ্গনৱাড়ী কৰ্মীৰ লগত যৌন অভিষাৰত লিপ্ত হোৱাত হাতেলোতে ধৰা পৰা আজি এমাহ পৰ্য্যন্ত শিক্ষা বিভাগে কোনো ধৰনৰ পদক্ষেপ গ্ৰহন কৰা দেখা নাই । স্থানীয় ৰাইজে যোৱা মাহৰ ২৩ তাৰিখে এই সম্পৰ্কত এক লিখিত অভিযোগ শিক্ষা বিষয়াক দিছিল । জানিবপৰা মতে এই সম্পৰ্কত নাজিৰাৰ মহকুমাধিপতি গৰাকীয়ে এই অভিযুক্ত শিক্ষক জনৰ বিৰুদ্ধে বিশেষ ব্যৱস্থা গ্ৰহন কৰিবলৈ শিক্ষা বিষয়াক জনাইছিল যদিও কিহৰ যাদুৰ বাবে আজি তাৰিখলৈকে শিক্ষকজনৰ বিৰুদ্ধে শাস্তি মুলক ব্যৱস্থা লোৱা নাই সেইয়া ৰহস্য জনক । ইফালে নাজিৰা শিক্ষাখণ্ডৰ বিষয়া গৰাকীয়ে তদন্ত কৰি উক্ত ঘটনা সঁচা বুলি জিলা শিক্ষা বিষয়ালৈ এখন প্ত্ৰ প্ৰেৰণ কৰিছিল । কিন্ত নাটকীয়ভাৱে খোদ তদন্তকাৰী শিক্ষা বিষয়া গৰাকীক জিলা শিক্ষা বিষয়া গৰাকীয়ে কিয় মহকুমা প্ৰশাসনক প্ৰথমতে অবগত কৰিলে বুলি কাৰন দৰ্শোৱা জাননী জাৰি কৰি উক্ত নাৰকীয় ঘটনাক অধিক ৰহস্যৰ মাজলৈ ঠেলি দিছে ।

মুনীন্দ্ৰ নাথ শইকীয়া, নাজিৰা

অৰুন জেটলীৰ সোমবাৰে স্বাস্থ্যৰ বুজ ল’লে মুখ্যমন্ত্ৰী সোণোৱালে

 

ষ্টাফৰিপৰ্টাৰ, ১৯ আগষ্ট : নতুন দিল্লীৰ অখিল ভাৰতীয় আয়ুৰ্বিজ্ঞান প্ৰতিষ্ঠানত চিকিৎসাধীন প্ৰাক্তন কেন্দ্ৰীয় বিত্ত আৰু প্ৰতিৰক্ষা মন্ত্ৰী অৰুন জেটলীৰ সোমবাৰে স্বাস্থ্যৰ বুজ ল’লে মুখ্যমন্ত্ৰী সৰ্বানন্দ সোণোৱালে l

ট্ৰেক এণ্ড টেলৰ ‘ইণ্টেলিপ্লে এক্সট্ৰিম” এপ মুকলি

 

ষ্টাফৰিপৰ্টাৰ: ১৯ আগষ্ট : ভেহিকল ট্ৰেকিং সঁজুলি নিৰ্মাণ কৰি অহা অগ্ৰণী আই অ’ টি ছলিউচন প্ৰতিষ্ঠান ট্ৰেক এণ্ড টেলে অসমত ব্যৱসায়ৰ বৃদ্ধিৰ উদ্দেশ্যে শেহতীয়া উদ্ভাৱন “ইণ্টেলিপ্লে এক্সট্ৰিম” অনুষ্ঠানিক ভাৱে মুকলি কৰে। সোমবাৰে গুৱাহাটীত এখন সংবাদমেলযোগে এই স্মাৰ্ট ইনফ’টেইনমেণ্ট সঁজুলি বিধ মুকলি কৰা হয়। মুকলি অনুষ্ঠানত উপস্থিত থাকি ট্ৰেক এণ্ড টেলৰ সহযোগী প্ৰতিষ্ঠাপক তথা চি অ’ অ’ ঋতু গুপ্তাই কয়-“ট্ৰেক এণ্ড টেলত আমি আমাৰ গ্ৰাহক সকলক প্ৰিমিয়াৰ টেলিমেটিক্স সমাধান আগবঢ়াব বিচাৰো যিয়ে তেওঁলোকৰ বাহনখনৰ গতি বিধি আৰু প্ৰদৰ্শনৰ মানৰ ক্ষেত্ৰত অভিজ্ঞতা প্ৰদান কৰে। “ইণ্টেলিপ্লে এক্সট্ৰিম” সম্পূৰ্ণ থলুৱা ভাৱে নিৰ্মাণ কৰি উলিওৱা গাড়ীৰ লগত সংযুক্ত জি পি এছ সঁজুলি।
আমি উত্তৰ পূৰ্বাঞ্চলৰ পৰা ২০২০ বিত্তীয় বৰ্ষলৈকে ১ কোটি টকাৰ ৰাজহ লাভ কৰিম বুলি লক্ষ্য নিৰ্ধাৰণ কৰিছোঁ”। সংবাদমেল যোগে ট্ৰেক এণ্ড টেলৰ প্ৰতিষ্ঠাপক তথা চি ই অ’ প্ৰাঞ্চু গুপ্তাই কয়”-আমাৰ এই নতুন ইনফ’টেইনমেন্ট ছিষ্টেমত আছে ৪ জি ছিম যিয়ে সকলো সময়তে গাড়ী এখনৰ গতি বিধিৰ সৈতে সংযুক্ত ৰখাত গুৰুত্বপূৰ্ণ ভূমিকা পালন কৰিব। তদুপৰি যিকোনো মুহূৰ্ততে সংকেত প্রদান কৰিব পৰাকৈ ইয়াত আছে টু-ৱে ভয়চ কলিং বৈশিষ্ট্য।” ট্ৰেক এণ্ড টেলৰ উত্তৰ পূৰ্বাঞ্চলৰ বিতৰণ সহযোগী ৰঞ্জন জৈনে কয়”-আমাৰ নতুন সঁজুলি বিধে অসম তথা উত্তৰ পূৰ্বাঞ্চলত সফলতা লাভ কৰিব পাৰিব বুলি আমি আশাবাদী”। উল্লেখযোগ্য যে, গাড়ীৰ সুৰক্ষা আৰু মনোৰঞ্জনৰ বাবে ট্ৰেক টেলৰ বিভিন্ন শ্ৰেণী আছে। তাৰ ভিতৰত ইণ্টেলি ৭ ইণ্টেলি ৭+ ট্ৰেকপট আৰু বহুতো। গুৰগাঁৱও থকা প্ৰতিষ্ঠানটো ২০০৭ চনৰ মে’ মাহত স্থাপন কৰা হৈছিল।

নলবাৰীত যান বাহন আৰক্ষী হাই হাই ধ্বনিৰে উত্তাল কৰি তোলে নলবাৰী চহৰ

নলবাৰীত যান বাহন আৰক্ষী হাই হাই ধ্বনিৰে উত্তাল কৰি তোলে নলবাৰী চহৰ।।

স স ই ৰিক্সা চালকে নলবাৰী থানাৰ সম্মুখত ধৰ্ণা দিয়ে।।
নলবাৰী চহৰৰ ভিতৰত সোমাব নিদিয়ে ই ৰিষ্কা সমূহ।
যদি কেনেবাকৈ সুমাই তেন্তে আৰক্ষী ক দিব লাগে 300 পৰা 500 টকা পৰ্যন্ত।।
প্ৰতিদিনে সংঘটিত হৈ আহিছে এই ঘটনা।। নলবাৰী আৰক্ষী হাই হাই ধ্বনিৰ নলবাৰীৰ ৰাজপথত বাগৰি বাগৰি এই প্ৰতিবাদ কৰে।।
ইয়াকে লৈ আজি নলবাৰী চহৰত উত্তপ্ত পৰিস্থিতিৰ সৃষ্টি হয়।।
কিন্তু কিয় আৰক্ষীয়ে লয় ৰিস্কা চালক সকলৰ পৰা মতা ধন।।
নলবাৰী আৰক্ষীয়ে প্ৰতিদিনে এই কাৰ্য কৰি আহিছে বুলি ও কয় ৰিস্কা চালক সকলে।। কিন্তু আজি সকলো এক গোট হৈ ওলাই নলবাৰী আৰক্ষী থানা ঘেৰি ধৰে।

একাংশ চালকে চকুৰ অশ্ৰু টুকি কৈ যে আমি চাকৰি নাপাওঁ দৰিদ্ৰ লোক আমি বন্ধনৰ পইচা লৈ ৰিস্কা কিনি চলাই পৰিয়ালতো চলাই আছিলোঁ। কিন্তু এতিয়া নলবাৰীত সোমাব নিদিয়ে 500 টকা ফাইন লৈ ৰো মাৰ পিত কৰে।।
কিন্তু আৰক্ষী কিয় লোভ নেৰে দৰিশ্র সকলৰ লগতে এই সকল লোকৰ পৰা।
কত যাব কি কৰিব কেনেকৈ পৰিয়াল চলাব এবাৰ নাভাবে কিয় নলবাৰী আৰক্ষীয়ে।।।

নলবাৰীৰ পৰা
হিমাংশু কলিতা।।

ৰঙিয়াত দিন দুপৰতে ইউনিয়ন বেঙ্কৰ ভিতৰত ডকাইতি বিশ লাখ লৈ উধাও দুজনীয়া দুৰ্বৃত্তৰ দলে 

ৰঙিয়াত দিন দুপৰতে ইউনিয়ন বেঙ্কৰ ভিতৰত ডকাইতি বিশ লাখ লৈ উধাও দুজনীয়া দুৰ্বৃত্তৰ দলে

প্ৰতিবেদক, ৰঙিয়া, ১৯ আগষ্টঃ ৰঙিয়াত ৰাষ্ট্ৰীয়কৃত বেংকৰ নিৰাপত্তা ব্যৱস্থাক অংগুষ্ঠ প্ৰদৰ্শন কৰি আজি আবেলি দুজনীয়া দুৰ্বৃত্তৰ দল এটাই বেংকৰ ভিতৰত কৰ্মচাৰী সকলৰ সমুখৰ পৰা ২০ লাখ লৈ নিৰ্বিঘ্নে উধাও হোৱা ঘটনাত ৰঙিয়াত তীব্ৰ চাঞ্চল্যৰ সৃষ্টি কৰিছে। ৰঙিয়া পুলিচ পইন্টৰ ঠিক ওপৰত দ্বিতীয় মহলাত থকা ইউনিয়ন বেঙ্কৰ নিৰাপত্তা ব্যৱস্থাৰ ফোঁপোলা স্বৰূপ উদঙাই দুৰ্বৃত্তৰ দলটোৱে বেংকৰ ভিতৰৰ পৰা এগৰাকী গ্ৰাহকৰ ২০ লাখ টকা লৈ সন্তৰ্পণে পলাই যায়। ঘটনাৰ বিষয়ে জানিব পৰা মতে আজি দিনৰ প্ৰায় ৩ বজাত বেংকটোৰ অতি পুৰণা নিয়মীয়া গ্ৰাহক ৰঙিয়া বেচৰকাৰী বাছ আস্থানৰ সমীপৰ গকুল ষ্টোৰৰ কৰ্মচাৰী কণক বৈশ্যই দোকানৰ স্বত্বাধিকাৰীৰ পুত্ৰ সহ মোনা এখনত ২০ লাখ টকালৈ প্ৰতিদিনৰ দৰে জমা দিবলৈ আহিছিল । বেংকৰ সকলো কৰ্মচাৰীৰ লগত সুসম্পৰ্ক থকাত বৈশ্যই বেঙ্কৰ কাউন্টাৰৰ ভিতৰত প্ৰবেশ কৰে যদিও কাউন্টাৰৰ সংশ্লিষ্ট কৰ্মচাৰী গৰাকীয়ে ব্যস্ত থকাত তেওঁ কেছ কাউন্টাৰৰ বাহিৰত টকাৰ মোনাাটো থয় । এই ছেগতে তেওঁ জমা দিয়া প্ৰপত্ৰ পূৰণ কৰিবলৈ আৰম্ভ কৰে। তেওঁৰ অন্য মনস্কতাৰ সুযোগ লৈ পিছে পিছে কাউন্টাৰৰ ওচৰলৈ সোমাই অহা এজন টকাৰ মোনাটোলৈ সন্তৰ্পণে বেংকটোৰ ওপৰ মহলাৰ পৰা তললৈ নামি আহে। তেওঁলোকে বেংকৰ তলত পূৰ্বৰ পৰা ৰাখি থোৱা মটৰ চাইকেলত উঠি ৰঙিয়া- ভূটান পথেৰে উধাও হয় । প্ৰপত্ৰখন লিখা হোৱাৰ পিছত কৰ্মচাৰী জনে টকাৰ মোনাটো বিচাৰি নাপাই হতভম্ব হৈ পৰে । লগে লগে বেঙ্কটোৰ ভিতৰত এক হুলস্থুলীয়া পৰিস্থিতিৰ সৃষ্টি হয় । এই সন্দৰ্ভত আৰক্ষীক অৱগত কৰাত আৰক্ষী বেংকটোত উপস্থিতহৈ চি চি টি ভিৰ ফুটেজ পৰীক্ষা কৰে। ফুটেজত এজন নীলা ৰংৰ জিনছ্ পেন্ট, স্পৰ্টি আৰু নীলা টুপি পৰিধান কৰা প্ৰায় ২৫ বছৰীয়া যুবক এজনে বেগটো নিয়াটো প্ৰকট হয়।ঘটনা সংক্ৰান্তত আৰক্ষীয়ে তীব্ৰ অভিযান অাৰম্ভ কৰিছে যদিও বাতৰি লিখা পৰলৈকে কোনো শুংসূত্ৰ উদ্ঘাটন

কৰিবলৈ সক্ষম হোৱা নাই। বেংকৰ কাউন্টাৰৰ ভিতৰৰ পৰা ডকাইতৰ দলে নিৰ্বিঘ্নে টকাৰ মোনা লৈ উধাও হোৱা ঘটনাত গ্ৰাহক সকল চিন্তিত হৈ পৰিছে

প্ৰেৰক, পহৰেদ আলী আহমেদ ।।

মুক্তিযুঁজাৰু পেঞ্চনাৰ ভৱনত সদৌ অসম সুলভ মূল্যৰ ব্যৱসায়ী সন্থাৰ গুৰুত্বপূৰ্ণ কাৰ্য্যনিবাহক সভা সম্পন্ন

মুক্তিযুঁজাৰু পেঞ্চনাৰ ভৱনত সদৌ অসম সুলভ মূল্যৰ ব্যৱসায়ী সন্থাৰ গুৰুত্বপূৰ্ণ কাৰ্য্যনিবাহক সভা সম্পন্ন ।

পঙ্কজ নাথ, চাংসাৰি, ১৯ আগষ্ট :

সদৌ অসম সুলভ মূল্যৰ ব্যৱসায়ী সন্থাৰ নৱ নিৰ্বাচিত ৰাজ্যিক সমিতিৰ প্ৰথমখন কাৰ্য্যনিৰ্বাহক সভা যোৱা কালি গুৱাহাটী ৰূপনগৰস্থিত মুক্তিযুঁজাৰু পেঞ্চনাৰ ভৱনত দিনযোৰা কাৰ্য্যসূচীৰে অনুষ্ঠিতহৈ যায় ৷ সন্থাৰ নৱ নিৰ্বাচিত ৰাজ্যিক সমিতিৰ সভাপতি ধৰনীধৰ বৰাৰ সভাপতিত্বত অনুষ্ঠিত হোৱা কাৰ্য্যৰ্নিবাহক সভাখনিৰ উদ্দেশ্য বাখ্যা কৰে সন্থাৰ নৱ নিৰ্বাচিত সাধাৰন সম্পাদক হৰিনাৰায়ন দত্তই ৷ ৰাষ্ট্ৰীয় সমিতিৰ উপাধ্যক্ষ দেবেন বড়োকে প্ৰমুখ্য কৰি ৰাজ্যৰ মুঠ ২৬ খন জিলা সমিতিৰ প্ৰতিনিধি বৰ্গ উপস্থিত থকা উক্ত সভাত বিগত কংগ্ৰেছ চৰকাৰৰ দিনত খাদ্য সুৰক্ষা আইনৰ অধীনত সুলভ মূল্যৰ দোকানী সকলে পাব লগীয়া ১৪৩ টকা কমিচনৰ পৰা ৪২·৯০ টকা কৰ্তন কৰি ৰখা প্ৰসঙ্গ উত্থাপন কৰি নৱ নিৰ্বাচিত সদৌ অসম সুলভ মূল্যৰ ব্যৱসায়ী সন্থাৰ সভাপতি ধৰনীধৰ বৰাই অনাগত দিনত পৰিৱৰ্তনকামী মিত্ৰজোঁট চৰকাৰখনে দুখীয়া দোকানী সকলৰ স্বৰ্থত কাম কৰি যাবলৈ আহ্বান জনাই ৷ সন্থাৰ গুৰুত্বপূৰ্ণ ৰাজ্যিক কাৰ্যনিৰ্বাহক সভাখনিত সমগ্ৰ ৰাজ্যৰ সমূহ সুলভ মূল্যৰ ব্যৱসায়ীৰ মাজত সন্থাৰ সভ্যভৰ্তিকৰণ প্ৰক্ৰিয়া আৰম্ভ কৰিবলৈ প্ৰস্তাৱ গ্ৰহন কৰাৰ লগতে ইতিপূৰ্বে ভঙ্গ হোৱা সন্থাৰ ৰাজ্যিক সমিতিৰ প্ৰাক্তন সাধাৰন সম্পাদক হেমন্ত কুমাৰ ডেকাৰ হাতত থকা সন্থাৰ বেঙ্ক কাউন্টকে ধৰি সমস্ত নথি- পত্ৰ ঘুৰাই দিব লাগে বুলি প্ৰস্তাৱ গ্ৰহন কৰে ৷ নিৰ্দিষ্ট সময়ৰ ভিতৰত নৱ নিৰ্বাচিত সমিতিক নথি- পত্ৰ সমূহ ঘুৰাই নিদিলে আইনৰ ব্যৱস্থা গ্ৰহণ কৰিব বুলি সভাই সৰ্ব্ব সন্মতি সিদ্ধান্ত গ্ৰহণ কৰে ৷ কেইবাটাও গুৰুত্বপূৰ্ণ প্ৰস্তাৱ গ্ৰহণ কৰা নৱ নিৰ্বাচিত সন্থাৰ ৰাজ্যিক সমিতিয়ে চৰকাৰ আৰু প্ৰশাসনৰ লগত যোগসূত্ৰ স্থাপন কৰি লাঞ্চিত, বঞ্চিত দোকানী সকলৰ লগতে তেখেত সকলৰ পৰিয়ালৰ স্বাৰ্থত অনাগত দিনত কাম কৰি যাবলৈ সভাত সংকল্প গ্ৰহন কৰে ৷ কালিৰ সভাখনত সন্থাৰ প্ৰাক্তন সভাপতি বিষ্ণু দাস, নৱ নিৰ্বাচিত কাৰ্য্যকৰী সভাপতি হিৰেন পাটৰ, সহকাৰী সম্পাদক জীৱন পাটিৰকে প্ৰমুখ্য কৰি সন্থাৰ সমূহ নৱ নিৰ্বাচিত বিষয়-ববীয়া সকল উপস্থিত থাকে।

Recent Posts

নতুন ৰূপত ম’ৰুঙ সাত ভনীৰ খাদ্য সম্ভাৰৰ সংযোজন “ম’ৰুঙ’ত

  ষ্টাফৰিপৰ্টাৰ, ২০ আগষ্ট : গুৱাহাটীৰ ৰাজগড়ৰ ৰাজগড় প্লাজাস্থিত “ম’ৰুঙ”ৰেস্তোৰাঁই নতুন ৰূপত খাদ্য ৰসিকক আদৰিবলৈ সাজু হৈছে। এতিয়াৰ পৰা ম’ৰুঙত খাদ্য ৰসিকে সাত ভনীৰ খাদ্য সম্ভাৰৰ জুতি ল’ব পাৰিব। ৰেস্তোৰাঁখনে মঙলবাৰে খাদ্য ৰসিকৰ বাবে উত্তৰ-পূৰ্বাঞ্চলৰ সাতখন ৰাজ্যৰ খাদ্যৰ সংযোজন ঘটাই মুকলি কৰে ” সাত ভনীৰ থালী” । এই উপলক্ষে মঙলবাৰে …

Read More »

বিবেকানন্দত চি চি পি এৰ লগতে আন কেইবাটাও কোম্পানীৰ সংবাদমেল গভীৰ সংকটত ভাৰতৰ চাহ উদ্যোগ

  ষ্টাফ ৰিপোৰ্টাৰ,,,২০ আগষ্ট।।।ভাৰতৰ চাহ উদ্যোগ ১৭০ বছৰৰো অধিক পুৰণি আৰু ই ১.২ মিলিয়ন মানুহক পোনপটীয়াকৈ নিযুক্তি দিছে। ভাৰতৰ ভিতৰুৱা আৰু অনুন্নত ৰাজ্য সমূহৰ আৰ্থ সামাজিক উন্নয়নত ই এক উল্লেখযোগ্য প্ৰভাৱ পেলাইছে। তদুপৰি ভাৰত পৃথিৱীৰ ভিতৰত চতুৰ্থ সৰ্ববৃহৎ চাহ ৰপ্তানীকাৰী দেশ। কিন্তু সম্প্ৰতি ভাৰতীয় চাহ উদ্যোগটোৱে বহু বাধাৰ সন্মুখীন হৈছে …

Read More »

বি আৰ লাইফে গুৱাহাটীত মুকলি কৰিলে টেলিমেডিচিন সেৱা

  ষ্টাফ ৰিপোৰ্টাৰ,,২০ আগষ্ট।।।।। আবুধাবিস্থিত বি আৰ এফ ভেঞ্চাৰৰ স্বাস্থ্য সেৱাৰ পদক্ষেপ হিচাপে বি আৰ লাইফে ইয়াৰ টেলিমেডিচিন সেৱা গুৱাহাটীত অনুষ্ঠানিকভাৱে মুকলি কৰে। এই সেৱাৰ জৰিয়তে বি আৰ লাইফে উত্তৰ পূৰ্বাঞ্চলৰ আৰু বিশেষকৈ দুৰ্গম অঞ্চলৰ লোকসকলক সেৱা আগবঢ়াব। মঙলবাৰে গুৱাহাটী প্ৰেছ ক্লাৱত এখন সংবাদমেলযোগে এই বিষয়ে সদৰী কৰি মাৰ্কেটিং ব্ৰেণ্ডিং …

Read More »

লক্ষ্য বিশ্ব অভিলেখ : বঙাইগাঁৱত ২৯ চেপ্তেম্বৰত ছশ চিত্ৰশিল্পীৰ দ্বাৰা চিত্ৰাংকন প্ৰদৰ্শন লক্ষ্য

বঙাইগাঁৱত বিশ্ব অভিলেখ সৃষ্টিৰ বাবে ২৯ চেপ্তেম্বৰত ছশ চিত্ৰশিল্পীৰ দ্বাৰা চিত্ৰাংকন প্ৰদৰ্শন বঙাইগাঁওঃ ২০ আগষ্টঃ একেৰাহে ২৬ ঘন্টা ৪১ মিনিট মেণ্ডোলিন বজাই বিশ্ব অভিলেখ সৃষ্টিকাৰী কুন্তল ৰাজ চক্ৰৱৰ্তীৰ তত্বাৱধানত তথা ইণ্ডিয়া ওৱাল্ড ৰেকৰ্ড (India’s World Records)ৰ সৌজন্যত অৰেভা( OREVA) নামৰ ফেচন এণ্ড কালচাৰেল ইভেন্ট মেনেজমেন্টে অহা ২৯ চেপ্তেম্বৰৰ পুৱা ১০ …

Read More »

ৰঙিয়াৰ ৰাষ্ট্ৰীয় ঘাইপথত ভয়াবহ পথ দুৰ্ঘটনা

ৰঙিয়াৰ ৰাষ্ট্ৰীয় ঘাইপথত ভয়াবহ পথ দুৰ্ঘটনা আহত তিনিজনক সংকটজনক অৱস্থাত জিএনআৰচি লৈ প্ৰেৰণ প্ৰতিবেদক, ৰঙিয়া ২০ আগষ্টঃ দুৰ্ঘটনা প্ৰবন এলাকাত পৰিনত হৈছে ৰঙিয়াৰ ৩১ নং ৰাষ্ট্ৰীয় ঘাইপথৰ বালাগাওঁ অঞ্চল। এই অঞ্চলত দুৰ্ঘটনা সংঘটিত হোৱাটো এক নিত্য নৈমিত্তিক ঘটনাত পৰ্যবসিত হৈছে ।আজি আবেলি পুনৰ সংঘটিত হয় এক ভয়ংকৰ পথ দুৰ্ঘটনা । …

Read More »

শিৱসাগৰত কৃষি বিভাগৰ কঠীয়া বিতৰণ অনুষ্ঠানৰ শুভাৰম্ভ 

শিৱসাগৰত কৃষি বিভাগৰ কঠীয়া বিতৰণ অনুষ্ঠানৰ শুভাৰম্ভ ফাৰ্ষ্ট নিউজ ,শিৱসাগৰ ২০ আগষ্ট ,   জয়ৰাপাৰ অঞ্চলৰ এগৰাকী কৰ্মঠ আৰু আদৰ্শবান কৃষক ৰূপে পৰিচিত ৰাজু গগৈ । বহু বছৰ দিন কৃষি কৰ্মৰ লগত জড়িত ৰাজু গগৈয়ে প্ৰতি বছৰে ৫০ ৰ পৰা ৫৫ বিঘা মাটিত খেতি কৰি আৰু সেইমাটিত উৎপাদিত ধান বিক্ৰী বিক্ৰী …

Read More »

শিৱ এগৰাকী মিউজিচিয়ান আছিল, সেয়ে মই ভাল পাঁও : শিৱদৌলত জুবিন গাৰ্গ

কাঞ্চনজংঘাৰ প্ৰচাৰত শিৱসাগৰত জুবিন; শিৱদ’লৰ ব্ৰাহ্মণৰ ওচৰত আৰ্শীবাদ ললে জুবিনে। ফাৰ্ষ্ট নিউজ , শিৱসাগৰ , ২০ আগষ্ট : অহা ৬ ছেপ্তেম্বৰত মুক্তি পাব লগীয়া জুবিন গাৰ্গৰ ছবি কাঞ্চনজংঘাৰ প্ৰচাৰৰ বাবে আজি তিনিদিন ধৰি শিৱসাগৰত আছে জুবিন গাৰ্গ। শিৱসাগৰৰ বিভিন্ন স্থানত ছবিখনৰ প্ৰচাৰ কৰি আছে জুবিনৰ লগতে ছবি খনৰ বহু কেইগৰাকী …

Read More »

কমতাপুৰ আৰু জনজাতিকৰ আন্দোলনক অধিক তৰাম্বিত কৰাৰ সংকল্প

বঙাইগাঁৱত কোচ ৰাজবংশী যুৱ ছাত্ৰ সন্মিলনীৰ কেন্দ্ৰীয় কাৰ্যনিৰ্বাহক সভা কমতাপুৰ আৰু জনজাতিকৰ আন্দোলনক অধিক তৰাম্বিত কৰাৰ বাবে কেবাটাও গুৰুত্বপূৰ্ণ সিদ্ধান্ত গ্ৰহণ বঙাইগাঁওঃ ২০ আগষ্টঃ সদৌ অসম কোচ ৰাজবংশী যুৱ ছাত্ৰ সন্মিলনীৰ এখন কেন্দ্ৰীয় কাৰ্যনিৰ্বাহ সভা আজি সংগঠনটোৰ বঙাইগাঁও চহৰৰ চিলাৰায় বজাৰস্থিত মুখ্য কাৰ্যালয়ত অনুষ্ঠিত হয় ৷ পুৱা ১১ বজাত অনুষ্ঠিত …

Read More »

অশ্বক্লান্ত দেৱালয়ত শ্ৰী কৃষ্ণৰ জন্মাষ্টমী পৰ্বৰ আয়োজন

অশ্বক্লান্ত দেৱালয়ত শ্ৰী কৃষ্ণৰ জন্মাষ্টমী পৰ্বৰ আয়োজন। পঙ্কজ নাথ, চাংসাৰি, ২০ আগষ্ট : কামৰূপ জিলাৰ অন্তৰ্গত উত্তৰ গুৱাহাটীৰ মাজগাওঁস্থিত বিষ্ণুতীৰ্থ শ্ৰী শ্ৰী অশ্বক্লান্ত দেৱালয় ৩০০ বছৰ অতিক্ৰম কৰা এখনি ঐতিহাসিক দেৱালয়। অসমৰ পবিত্ৰ গয়া তীৰ্থ ৰূপে খ্যাত দেৱালয়খনত পূৰ্বৰ পৰম্পৰা অনুসৰি এইবেলিও দেৱালয় প্ৰাংগণত অহা ৫ ভাদ ইংৰাজী ২৩ আগষ্ট …

Read More »

নাজিৰাত বিদ্যালয়তে শিক্ষকৰ যৌন আভিচাৰত লিপ্তৰ অভিযোগ

নাজিৰাত বিদ্যালয়তে শিক্ষকৰ যৌন আভিচাৰত লিপ্তৰ অভিযোগ । কলংকৃত কৰিলে শিক্ষক সমাজক ফাষ্টনিউজ ৰিপৰ্ট, নাজিৰা, ২০ আগষ্ট নাজিৰা মহকুমাৰ অন্তৰ্গত নাজিৰা শিক্ষাখণ্ড এলেকাৰ অধীনৰ এখন বিদ্যালয়তে এজন শিক্ষকে বিদ্যালয়ৰ কৰ্মৰত এগৰাকী অঙ্গনৱাড়ী কৰ্মীক কোনো নথকাৰ সুবিধা গ্ৰহন কৰি যৌন অভিচাৰত লিপ্ত হোৱাৰ অভিযোগ উঠিছে । অভিযোগ মতে নাজিৰা শিক্ষাখণ্ডৰ অধীনৰ …

Read More »

অৰুন জেটলীৰ সোমবাৰে স্বাস্থ্যৰ বুজ ল’লে মুখ্যমন্ত্ৰী সোণোৱালে

  ষ্টাফৰিপৰ্টাৰ, ১৯ আগষ্ট : নতুন দিল্লীৰ অখিল ভাৰতীয় আয়ুৰ্বিজ্ঞান প্ৰতিষ্ঠানত চিকিৎসাধীন প্ৰাক্তন কেন্দ্ৰীয় বিত্ত আৰু প্ৰতিৰক্ষা মন্ত্ৰী অৰুন জেটলীৰ সোমবাৰে স্বাস্থ্যৰ বুজ ল’লে মুখ্যমন্ত্ৰী সৰ্বানন্দ সোণোৱালে l

Read More »

ট্ৰেক এণ্ড টেলৰ ‘ইণ্টেলিপ্লে এক্সট্ৰিম” এপ মুকলি

  ষ্টাফৰিপৰ্টাৰ: ১৯ আগষ্ট : ভেহিকল ট্ৰেকিং সঁজুলি নিৰ্মাণ কৰি অহা অগ্ৰণী আই অ’ টি ছলিউচন প্ৰতিষ্ঠান ট্ৰেক এণ্ড টেলে অসমত ব্যৱসায়ৰ বৃদ্ধিৰ উদ্দেশ্যে শেহতীয়া উদ্ভাৱন “ইণ্টেলিপ্লে এক্সট্ৰিম” অনুষ্ঠানিক ভাৱে মুকলি কৰে। সোমবাৰে গুৱাহাটীত এখন সংবাদমেলযোগে এই স্মাৰ্ট ইনফ’টেইনমেণ্ট সঁজুলি বিধ মুকলি কৰা হয়। মুকলি অনুষ্ঠানত উপস্থিত থাকি ট্ৰেক এণ্ড …

Read More »

নলবাৰীত যান বাহন আৰক্ষী হাই হাই ধ্বনিৰে উত্তাল কৰি তোলে নলবাৰী চহৰ

নলবাৰীত যান বাহন আৰক্ষী হাই হাই ধ্বনিৰে উত্তাল কৰি তোলে নলবাৰী চহৰ।। স স ই ৰিক্সা চালকে নলবাৰী থানাৰ সম্মুখত ধৰ্ণা দিয়ে।। নলবাৰী চহৰৰ ভিতৰত সোমাব নিদিয়ে ই ৰিষ্কা সমূহ। যদি কেনেবাকৈ সুমাই তেন্তে আৰক্ষী ক দিব লাগে 300 পৰা 500 টকা পৰ্যন্ত।। প্ৰতিদিনে সংঘটিত হৈ আহিছে এই ঘটনা।। নলবাৰী …

Read More »

ৰঙিয়াত দিন দুপৰতে ইউনিয়ন বেঙ্কৰ ভিতৰত ডকাইতি বিশ লাখ লৈ উধাও দুজনীয়া দুৰ্বৃত্তৰ দলে 

ৰঙিয়াত দিন দুপৰতে ইউনিয়ন বেঙ্কৰ ভিতৰত ডকাইতি বিশ লাখ লৈ উধাও দুজনীয়া দুৰ্বৃত্তৰ দলে প্ৰতিবেদক, ৰঙিয়া, ১৯ আগষ্টঃ ৰঙিয়াত ৰাষ্ট্ৰীয়কৃত বেংকৰ নিৰাপত্তা ব্যৱস্থাক অংগুষ্ঠ প্ৰদৰ্শন কৰি আজি আবেলি দুজনীয়া দুৰ্বৃত্তৰ দল এটাই বেংকৰ ভিতৰত কৰ্মচাৰী সকলৰ সমুখৰ পৰা ২০ লাখ লৈ নিৰ্বিঘ্নে উধাও হোৱা ঘটনাত ৰঙিয়াত তীব্ৰ চাঞ্চল্যৰ সৃষ্টি কৰিছে। …

Read More »

মুক্তিযুঁজাৰু পেঞ্চনাৰ ভৱনত সদৌ অসম সুলভ মূল্যৰ ব্যৱসায়ী সন্থাৰ গুৰুত্বপূৰ্ণ কাৰ্য্যনিবাহক সভা সম্পন্ন

মুক্তিযুঁজাৰু পেঞ্চনাৰ ভৱনত সদৌ অসম সুলভ মূল্যৰ ব্যৱসায়ী সন্থাৰ গুৰুত্বপূৰ্ণ কাৰ্য্যনিবাহক সভা সম্পন্ন । পঙ্কজ নাথ, চাংসাৰি, ১৯ আগষ্ট : সদৌ অসম সুলভ মূল্যৰ ব্যৱসায়ী সন্থাৰ নৱ নিৰ্বাচিত ৰাজ্যিক সমিতিৰ প্ৰথমখন কাৰ্য্যনিৰ্বাহক সভা যোৱা কালি গুৱাহাটী ৰূপনগৰস্থিত মুক্তিযুঁজাৰু পেঞ্চনাৰ ভৱনত দিনযোৰা কাৰ্য্যসূচীৰে অনুষ্ঠিতহৈ যায় ৷ সন্থাৰ নৱ নিৰ্বাচিত ৰাজ্যিক সমিতিৰ …

Read More »