Monday , August 26 2019
শেহতীয়া খবৰ
Home / আঞ্চলিক / অসমত ধঁপাত নিয়ন্ত্ৰণ শীৰ্ষক কৰ্মশালা # ৰাষ্ট্রীয় পৰ্যায়ত ৬% হ্রাসৰ বিপৰীতে অসমত ধঁপাত ব্যৱহাৰকাৰীৰ সংখ্যা ৯% বৃদ্ধি

অসমত ধঁপাত নিয়ন্ত্ৰণ শীৰ্ষক কৰ্মশালা # ৰাষ্ট্রীয় পৰ্যায়ত ৬% হ্রাসৰ বিপৰীতে অসমত ধঁপাত ব্যৱহাৰকাৰীৰ সংখ্যা ৯% বৃদ্ধি

 

ষ্টাফৰিপৰ্টাৰ,১ডিচেম্বৰ: ৰাজ্যত দীৰ্ঘদিন ধৰি ধঁপাত নিয়ন্ত্ৰণৰ বাবে কাম কৰি অহা নতুন দিল্লীৰ ‘কনজিউমাৰ ভয়েছ’আৰু অসমৰ ‘কনজিউমাৰচ লীগেল প্ৰটেকশন ফৰাম’ ৰ উদ্যোগত শুকুৰবাৰে গুৱাহাটীত ধঁপাত নিয়ন্ত্ৰণৰ ওপৰত ৰাজ্যিক পৰ্যায়ৰ এখন কৰ্মশালা অনুষ্ঠিত হয়। ধঁপাত ব্যৱ্হাৰৰপৰা যুৱ প্ৰজন্মক কেনেকৈ আঁতৰাই ৰাখিব পাৰি সেই উদ্দেশ্যেৰে আয়োজিত কৰ্মশালাখনত উপস্থিত থাকি কনজিউমাৰ ভয়েছ, নতুন দিল্লীৰ আইন আৰু প্ৰকল্প উপদেষ্টা অমৰজিত সিং পংগলে কয়- ধঁপাতজাতীয় সামগ্রী বিক্ৰী কৰা দোকানৰ বাবে পৌৰ নিকায় নিগমৰ জৰিয়তে অনুজ্ঞাপত্ৰৰ ব্যৱস্থা কৰিবলৈ ২০১৭ চনতে কেন্দ্ৰীয় চৰকাৰে ৰাজ্যসমূহক কঠোৰ নিৰ্দেশ দিছিল। কিন্তু আজি পৰ্যন্ত অসম চৰকাৰে এই নিৰ্দেশ কাৰ্যকৰী নকৰিলে। গুৱাহাটী, যোৰহাট, ডিব্ৰুগড়কে ধৰি ৰাজ্যত চলোৱা এক সমীক্ষাৰপৰা স্পষ্ট হৈ পৰিছে যে অসমত ধঁপাত নিয়ন্ত্ৰণ আইন মুকলিভাবে উলংঘা হৈ আছে। কৰ্মশালাত উপস্থিত থাকি ‘কনজিউমাৰচ লীগেল প্ৰটেকশন ফৰাম’ ৰ সচিব অধিবক্তা অজয় হাজৰিকাই কয় যে, ৰাষ্ট্ৰীয় পৰ্যায়ত ধঁপাত ব্যৱহাৰ পূৰ্বৰ তুলনাত ৬% হ্ৰাস পোৱাৰ বিপৰীতে অসমত ধঁপাত ব্যৱহাৰকাৰীৰ সংখ্যা ৯% বৃদ্ধিহে পাইছে। কৰ্মশালাত যুৱ প্ৰজন্মক ধঁপাত ব্যৱহাৰৰপৰা কেনেকৈ আঁতৰাই ৰাখিব পাৰি সেই বিষয়ে ডাঃ বি. বৰুৱা কৰ্কট প্ৰতিষ্ঠানৰ সহযোগী অধ্যাপক ডাঃ শ্ৰাৱনা মিশ্ৰ ভাগৱতী, অসম চৰকাৰৰ ৰাজ্যিক ধঁপাত নিয়ন্ত্ৰণ কোষৰ নডেল বিষয়া ডাঃ অৰুন্ধতী ডেকা, অসম আৰক্ষীৰ অৱসৰপ্ৰাপ্ত ডি. আই. জি. প্ৰতুল ফুকন আৰু এন.ই.এফ. ল কলেজৰ সহকাৰী অধ্যাপকদ্বয় কৰবী বৰ্মন আৰু ডঃ ৰেহানা চুলতানা চৌধুৰীয়ে বিস্তৃতভাৱে আলোচনা আগবঢ়ায়। কৰ্মশালাখনত ধঁপাত নিয়ন্ত্ৰণ ৰ ক্ষেত্ৰত পৌৰ নিকায় নিগমৰ ভূমিকা সন্দৰ্ভত গুৱাহাটী পৌৰ নিগমৰ জ্যেষ্ঠ চিকিৎসা বিষয়া ডাঃ অনন্দিতা চন্দা, সংবাদ মাধ্যমৰ ভূমিকা সন্দৰ্ভত জ্যেষ্ঠ সাংবাদিক সুস্মিতা গোস্বামীয়ে মতামত আগবঢ়ায়। ৰাষ্ট্ৰীয় ধঁপাত নিয়ন্ত্রণ কাৰ্যসূচী ৰ জ্যেষ্ঠ ৰাজ্যিক পৰামৰ্শদাতা আৰ্জু দত্ত বিশেষ অতিথি হিচাপে কৰ্মশালাখনত উপস্থিত থাকে।

About Staff Reporter

চাব পাৰে

ধৰ্ষণ নে অন্য কিবা? অন্তৰ্বাস পৰিধান কৰি থকা মহিলাৰ মৃতদেহ উদ্ধাৰক লৈ চাঞ্চল্য

বঙাইগাঁও জিলাৰ বইটামাৰীত অচিনাক্ত মহিলাৰ মৃতদেহ উদ্ধাৰ বঙাইগাঁওঃ ২৫ আগষ্টঃ বঙাইগাঁও জিলাৰ বইটামাৰী আৰক্ষী চকী …

Leave a Reply

Your email address will not be published. Required fields are marked *