Friday , May 24 2019
শেহতীয়া খবৰ
Home / আঞ্চলিক / কঠীয়া ৰুই অভিনৱ প্ৰতিবাদ গাঁওবাসীৰ

কঠীয়া ৰুই অভিনৱ প্ৰতিবাদ গাঁওবাসীৰ

বোকাখাতত উন্নয়নৰ ফোপোলা ছবি ৷

বিধ্বস্ত পথত কঠীয়া ৰুই অভিনৱ প্ৰতিবাদ গাঁওবাসীৰ ৷

কাজিৰঙা, ১৪ মে’ :ৰাজ্যৰ সৰ্বত্ৰে আজিও অপৰিবৰ্তিত বিকশিত অসমৰ অবিকশিত ৰূপ ৷স্বয়ং কৃষিমন্ত্ৰী অতুল বৰাৰ সমষ্টিতে থকা তিলমাত্ৰও উন্নয়নৰ পোহৰ নপৰা এখন গাঁৱে উদঙাই দেখুৱাইছে বিকশিত অসমৰ এখন ফোঁপোলা ছবি ৷ বোকাখাত মহকুমাৰ কাজিৰঙাৰ অগৰাতলি বনাঞ্চলৰ গাতে লাগি থকা এই গাঁওখনৰ নাম কান্ধুলিমাৰী গাঁও ৷ স্বাধীনতাৰ ৭২ বছৰৰ পাছটো কান্ধুলিমাৰী গাঁৱত নপৰিল উন্নয়নৰ এচিকুটমানো পোহৰ ৷ পূৱ কাজিৰঙা গাঁও পঞ্চায়তৰ অধীনৰ এই গাঁওখন সকলো দিশৰ পৰাই আজিও উপেক্ষিত ৷ বাট-পথৰ দুৰৱস্থাই বছৰ-বছৰ ধৰি গাঁওবাসীক যমৰ যাতনা ভূগাই আহিছে ৷ বিগত ১৫ বছৰীয়া কংগ্ৰেছ চৰকাৰৰ শাসন কালত গাঁওখনৰ বাট-পথ সমূহ সুচল কৰি তুলিবলৈ গাঁওখনৰ ৰাইজে বহুবাৰ আবেদন-নিবেদন কৰা স্বত্বেও কোনো সুফল নাপালে ৷ আনহাতে, পৰিৱৰ্তনৰ শ্লগান দি দিছপুৰৰ মচনদ দখল কৰা বিজেপি নেতৃত্বাধীন চৰকাৰৰ ওচৰটো হাজাৰটা আবেদন-নিবেদন কৰি কৰি কান্ধুলিমাৰী ৰাইজ সম্প্ৰতি ভাগৰি পৰিল৷অৱশেষত ধৈৰ্যচ্যুতি ঘটিল কান্ধুলিমাৰী গাঁৱৰ ৰাইজৰ ৷ মঙ্গলবাৰে পুৱাই গাঁওখনৰ ৰাইজে ৰজাগাঁও কান্ধুলিমাৰী সংযোগী বিধ্বস্ত পথতে ভূঁই ৰুই এক অভিনৱ প্ৰতিবাদ সাব্যস্ত কৰিলে ৷বছৰ বছৰ ধৰি কৰি অহা চৰকাৰৰ প্ৰতিশ্ৰুতিৰ প্ৰতাৰণাৰ বিৰুদ্ধে সমবেত হৈ ওলাই আহিল কান্ধুলিমাৰী গাঁৱৰ ৰাইজ৷ গাঁৱৰ মহিলা সকলে মূলপথটোৰ ওপৰত থকা এঁকাঠু বোকাত কঠীয়া ৰুই ক্ষোভ উজাৰিলে ৷ আনহাতে, পুৰুষ সকলেও সমানেই বিধ্বস্ত পথটোৰ ওপৰত কোৰ মাৰি কঠীয়া ৰুবৰ বাবে মহিলা সকলক সুবিধা কৰি দিলে ৷ সম্প্ৰতি এই পথটোৰে ১০৮ সেৱাৰ লগতে বিদ্যালয়লৈও ছাত্ৰ-ছাত্ৰী সকল যাব নোৱাৰা অৱস্থাৰ সৃষ্টি হৈছে ৷ বোকাময় বিধ্বস্ত পথটোৰ বাবেই জৰুৰীকালীন অৱস্থাৰ প্ৰসুতিৰোগীকো জীৱনৰ পণ ৰাখি সাঙীভাৰ কৰি লৈ যাব লাগে চিকিৎসালয়লৈ ৷ বছৰ-বছৰ ধৰি ভুগি অহা এনে যমৰ যাতনাৰ বাবেই মঙ্গলবাৰে পথৰ ওপৰত ভূঁই ৰুই প্ৰতিবাদ সাব্যস্ত কৰিলে কান্ধুলিমাৰী গাঁৱৰ ৰাইজে ৷ স্থানীয় বিধায়ক তথা কৃষিমন্ত্ৰী অতুল বৰাক শীঘ্ৰে এই পথচোৱা নিৰ্মাণ কৰি দিবলৈ ৰাইজে দাবী জনাইছে ৷ অন্যথা অনাগত দিনত গাঁওখনৰ ৰাইজে জংগী আন্দোলন গঢ়ি তোলাৰ হুংকাৰ দিয়ে।

About Staff Reporter

চাব পাৰে

পঞ্চম ৰাউণ্ডত গোলাঘাট সমষ্টিত গৌৰৱ গগৈৰ অগ্ৰগতি

পঞ্চম ৰাউণ্ডত গোলাঘাট সমষ্টিত গৌৰৱ গগৈৰ অগ্ৰগতি : গোলাঘাট, ২৩ মে’ : ইতিমধ্যে গোলাঘাট সমষ্টিত …

Leave a Reply

Your email address will not be published. Required fields are marked *