Monday , August 26 2019
শেহতীয়া খবৰ
Home / আঞ্চলিক / বলিউদৰ চুপাৰষ্টাৰ অক্ষয় কুমাৰৰ কাজিৰঙালৈ সাহায্য প্ৰদান

বলিউদৰ চুপাৰষ্টাৰ অক্ষয় কুমাৰৰ কাজিৰঙালৈ সাহায্য প্ৰদান

কাজিৰঙাৰ বান পৰিস্থিতি কিছু উন্নত ৷
বলিউদৰ চুপাৰষ্টাৰ অক্ষয় কুমাৰৰ কাজিৰঙালৈ সাহায্য প্ৰদান ৷

কাজিৰঙা, ১৭ জুলাই : ব্রহ্মপুত্ৰৰ জলপৃষ্ঠ কিছু পৰিমাণে হ্রাস পােৱাত বিশ্ব ঐতিহ্য ক্ষেত্ৰ কাজিৰঙা ৰাষ্ট্ৰীয় উদ্যানৰ বান পৰিস্থিতি কিছু স্থিৰ হৈছে যদিও বন্যজন্তুৰ হাহাকাৰ অব্যাহত আছে। উদ্যানৰ ভিতৰত বিগত দিনকেইটাতকৈ পানী ৩০ চেঃমিঃ কমিছে বুলি জানিব পৰা গৈছে। অৱশ্যে জীৱ-জন্তুবােৰ পুনৰ উদ্যানত প্ৰৱেশ কৰাৰ লগতে পুৰ্বৰ অৱস্থালৈ আহিবলৈ আৰু যথেষ্ট সময়ৰ প্রয়ােজন হ’ব।ইতিমধ্যে বান পৰিস্থিতি কিছু উন্নত হোৱাৰ পৰিপ্ৰেক্ষিতত কাজিৰঙাৰ ৩৭ নং ৰাষ্ট্ৰীয় ঘাইপথেৰে সম্প্ৰতি সকলো ধৰণৰ বাহনৰ বাবে প্ৰশাসনে অনুমতি প্ৰদান কৰিছে ৷
বোকাখাতৰ পাণবাৰীস্থিত বন্যপ্রাণী উদ্ধাৰ
আৰু পুনৰ সংস্থাপন কেন্দ্রত চিকিৎসা প্রদান কৰা হৈছে। চিকিৎসাধীন অৱস্থাত মৃত্যু হৈছে ৩টা ছাগলী পহুৰ। আনহাতে, ২৩টা পহু চিকিৎসাৰ অন্তত বনত মুকলি কৰি দিয়া হৈছে আৰু ৪টা চিকিৎসাধীন অৱস্থাত
আছে। ইফালে, শেহতীয়া বানত কাজিৰঙাৰ অগৰাতলী বনাঞ্চলত এটা গঁড়ৰ মৃতদেহ উদ্ধাৰ কৰা হৈছে ৷ বাঢ়নী পানীত উটি অহা অৱস্থাত বনকৰ্মীয়ে প্রত্যক্ষ কৰে মৃত গঁড়টো। উক্ত গঁড়টোৰ বানপানীত ডুবি মৃত্যু হােৱাৰ সন্দেহ কৰা হৈছে। বৰ্তমান সময়লৈকে ৰাষ্ট্ৰীয় উদ্যানখনত গাড়ীৰ খুন্দাত মৃত্যু হোৱা সংখ্যা ছাগলীশিঙীয়া পহুৰ সংখ্যা ১১ টা, পানীত ডুবি মৃত্যু হোৱা ছাগলী শিঙীয়া পহুৰ সংখ্যা ১৪ টা ,অন্যান্য কাৰণত মৃত্যু হোৱা ছাগলীশিঙীয়া পহুৰ সংখ্যা ৯ টা ,পানীত ডুবি মৃত্যু হোৱা গঁড়ৰ সংখ্যা ৪ টা , অন্যান্য কাৰণত মৃত্যু হোৱা গঁড়ৰ সংখ্যা ১ টা , গাড়ীৰ খুন্দাত মৃত্যু হোৱা শৰপহুৰ সংখ্যা ১ টা আৰু পানীত ডুবি মৃত্যু হোৱা শৰপহুৰ সংখ্যা ২ টা ৷পানীত ডুবি মৃত্যু হোৱা বনৰীয়া গাহৰিৰ সংখ্যা ৪ টা বুলি কাজিৰঙা ৰাষ্ট্ৰীয় উদ্যান কৰ্তৃপক্ষৰ পৰা তথ্য পোৱা গৈছে ৷ পানী শুকালেহে অধিক আৰু সঠিক তথ্য পোৱা যাব বুলি সংবাদ মাধ্যমক জনালে কাজিৰঙা ৰাষ্ট্ৰীয় উদ্যান কৰ্তৃপক্ষই ৷

ইফালে অসমৰ ভয়াবহ বানপানীক লৈ উদ্বিগ্নতা প্ৰকাশ কৰাৰ লগতে অসমৰ জনসাধাৰণৰ এনে বিপদত সহমৰ্মিতা প্ৰকাশ কৰি অসমৰ বানপীড়িত ৰাইজলৈ সাহায্য প্ৰদানেৰে বলিউদৰ চুপাৰষ্টাৰ অক্ষয় কুমাৰে নিজৰ মহানুভৱতা দাঙি ধৰিছে ৷চুপাৰষ্টাৰ গৰাকীয়ে নিজে টুইট যোগে এই কথা প্ৰকাশ কৰিছে ৷ এই বাতৰিয়ে যেন এতিয়া “মানুহে মানুহৰ বাবে” ভুপেন দাৰ সেই অমৰ চিৰসেউজ গীতটোকেই প্ৰতিপন্ন কৰিছে সেয়া পুনৰবাৰ প্ৰমাণ কৰি দেখুৱালে বলিউদৰ চুপাৰষ্টাৰ অক্ষয় কুমাৰে ৷ কাজিৰঙাৰ বানত ককবকাই থকা সাধাৰণ ৰাইজলৈ আৰু মুখ্যমন্ত্ৰীৰ সাহায্য পুঁজিৰ বাবে অলপতে অক্ষয় কুমাৰে ১ কোটি টকাকৈ মুঠ ২ কোটি টকা আগবঢ়াই। চুপাৰষ্টাৰ গৰাকীৰ এনে মানৱদৰদী পদক্ষেপত কাজিৰঙাবাসী ৰাইজে আন্তৰিক কৃতজ্ঞতা জ্ঞাপন কৰিছে ৷

About Staff Reporter

চাব পাৰে

ধৰ্ষণ নে অন্য কিবা? অন্তৰ্বাস পৰিধান কৰি থকা মহিলাৰ মৃতদেহ উদ্ধাৰক লৈ চাঞ্চল্য

বঙাইগাঁও জিলাৰ বইটামাৰীত অচিনাক্ত মহিলাৰ মৃতদেহ উদ্ধাৰ বঙাইগাঁওঃ ২৫ আগষ্টঃ বঙাইগাঁও জিলাৰ বইটামাৰী আৰক্ষী চকী …

Leave a Reply

Your email address will not be published. Required fields are marked *