Thursday , September 19 2019
শেহতীয়া খবৰ
Home / আঞ্চলিক / শাৰদীয় দুর্গা পূজা উপলক্ষে বোকাখাত মহকুমা প্রশাসনৰ জৰুৰী সভাঃ

শাৰদীয় দুর্গা পূজা উপলক্ষে বোকাখাত মহকুমা প্রশাসনৰ জৰুৰী সভাঃ

শাৰদীয় দুর্গা পূজা উপলক্ষে বোকাখাত মহকুমা প্রশাসনৰ জৰুৰী সভাঃ

বোকাখাতৰ পৰা পলিমা চেতিয়া বসুমতাৰী, ১২ ছেপ্টেম্বৰঃ আগন্তুক শাৰদীয় দুর্গা পূজা উপলক্ষে আজি বোকাখাত মহকুমাধিপতি কাৰ্যালয়ৰ সভাকক্ষত এখনি জৰুৰী সভা অনুষ্ঠিত হয়। বোকাখাত মহকুমাৰ মহকুমাধিপতি বিবেক শ্যামৰ সভাপতিত্বত আয়ােজিত এই সভাত মহকুমাটোৰ পূজা কমিটিসমূহৰ বিষয়ববীয়াসকল উপস্থিত থাকে। মহকুমাধিপতিগৰাকীয়ে পূজা সমিতি সমূহক দুর্গাপূজাৰ সময়ছােৱাত মাদকদ্রব্য আৰু জুৱাখেলৰ প্ৰচলন ৰােধ কৰাত বিশেষ গুৰুত্ব দিবলৈ নির্দেশ দিয়ে ৷ লগতে সাংস্কৃতিক অনুষ্ঠানৰ নামত শান্তি-শৃঙ্খলা ভংগ নকৰিবলৈয়াে আহ্বান জনায়। এই ক্ষেত্ৰত আৰক্ষী তথা তাৰকাৰী বিভাগক আগতীয়াকৈ যাবতীয় ব্যবস্থা ল’বলৈয়াে নির্দেশ দিয়ে। মহকুমাধিপতিগৰাকীয়ে সকলো পূজাসমিতিকে প্লাষ্টিক সামগ্ৰীৰ ব্যৱহাৰ
বর্জন কৰি প্লাষ্টিক ফ্রী দুর্গা পূজা আয়ােজন কৰিবলৈ পৰামর্শ দিয়ে। ইয়াৰ উপৰিও সকলো পূজা মণ্ডপত অগ্নি নির্বাপনৰ ব্যবস্থা, চি.চি টিভি কেমেৰা, ২৪ ঘণ্টাই পর্যাপ্ত স্বেচ্ছাসেৱক থকাৰ লগতে জৰুৰীকালীন অৱস্থাৰ বাবে আৰক্ষী, অগ্নিনির্বাপক বাহিনী, বিদ্যুৎ বিভাগ তথা চিকিৎসালয় নিয়ন্ত্রণ কক্ষৰ নম্বৰ সমূহ এখন জাননী ফলকত জনসাধাৰণৰ দৃষ্টিগোচৰ হােৱাকৈ আঁৰি থবলৈ অনুৰোধ জনোৱা হয়। বোকাখাত মহকুমা মহকুমা আৰক্ষী বিষয়া কল্যান কুমাৰ দাস পূজা কমিটি সমূহক শব্দ প্ৰদূষণৰ প্রতি
লক্ষ্য ৰাখি ডাঙৰকৈ শব্দ হােৱা জেনেৰেটৰৰ ব্যৱহাৰ আৰু উচ্চ স্বৰত সংগীত নবজাবলৈ আহ্বান জানায়। ইয়াৰ লগে সকলকে ট্রেফিক আইন মানি শান্তিপূর্ণ ভাৱে শাৰদীয় দুর্গাপূজা অনুষ্ঠিত কৰিবলৈ পৰামর্শ দিয়ে । আজিৰ সভাত বোকাখাত ৰাজহ চক্ৰৰ চক্ৰ বিষয়া খনিন্দ্র দাস, সহকাৰী আয়ুক্তদ্বয় শান্তনু গগৈ আৰু ৰণনময় ভৰদ্বাজ, নির্বাচনী বিষয়া নীতিশা বৰা উপস্থিত থাকে।

About Staff Reporter

চাব পাৰে

ভৱানীপুৰত শ্ৰীমন্ত শংকৰদেৱৰ জন্মোৎসৱ উদযাপনৰ কাৰ্যসূচী

ভৱানীপুৰত শ্ৰীমন্ত শংকৰদেৱৰ জন্মোৎসৱ উদযাপনৰ কাৰ্যসূচী সঞ্জীৱ সাগৰ দাস, ভৱানীপুৰ, ১৮ ছেপ্টেম্বৰঃ আগন্তুক ১৯, ২০ …

Leave a Reply

Your email address will not be published. Required fields are marked *