Friday , October 18 2019
শেহতীয়া খবৰ
Home / আঞ্চলিক / হিন্দীলৈ অনুবাদ মহাপুৰুষ শ্ৰীমন্ত শংকৰদেৱ আৰু মাধৱদেৱৰ জীৱনৰ ওপৰত আধাৰিত পূৰ্ণাংগ ধাৰাবাহিক

হিন্দীলৈ অনুবাদ মহাপুৰুষ শ্ৰীমন্ত শংকৰদেৱ আৰু মাধৱদেৱৰ জীৱনৰ ওপৰত আধাৰিত পূৰ্ণাংগ ধাৰাবাহিক

ডিব্ৰুগড়ত চলিছে ধাৰাবাহিকৰ চিত্ৰগ্ৰহণৰ কাম

 

কাকপথাৰ ১৭ জুন : : মহাপুৰুষ শ্ৰীমন্ত শংকৰদেৱ আৰু মাধৱদেৱৰ আত্মজীৱনীৰ ওপৰত নিৰ্মীত এখন ধাৰবাহিকৰ কাম পূৰ্ণগতিত চলিছে ডিব্ৰুগড় জিলাৰ জকাইত ৷ মহাপুৰুষ দুজনাৰ অমৰ সৃষ্টি বৈষ্ণৱ ধৰ্মৰ হৰি নামঘৰত বোলছবি তথা অভিনয় জগতৰ প্ৰশিক্ষনৰ কেন্দ্ৰস্থলী দক্ষিণ ভাৰতৰ চেন্নাইৰ লগতে মুম্বাইৰ খ্যাতি সম্পন্ন অভিনেতা, কেমেৰামেন, ছবি নিৰ্মাতাৰ প্ৰচেষ্টাত আগবাঢ়িছে ধৰাবাহিকখনৰ নিৰ্মাণ কাৰ্য ৷ প্ৰথমবাৰৰ বাবে ৰাষ্ট্ৰীয় ভাষা হিন্দীলৈ মহাপুৰুষ শংকৰদেৱ আৰু মাধৱদেৱৰ জীৱনীৰ ওপৰত অনুবাদিত ধাৰাৱাহিক প্ৰচাৰ কৰাৰ অনুমোদন আগৱঢ়াইছে ডি ডি দূৰদৰ্শনে ৷ ’মাক্ৰাৰী এন্টাৰটেইন্টমেন নে’টৱৰ্ক প্ৰাইভেট লিমিটেড’ৰ অৰুণ প্ৰভা চেনেলৰ বেনাৰত নিৰ্মিত ধাৰাৱাহিকখন ডিব্ৰুগড় জিলাৰ জকাই অঞ্চলৰ সহজ সৰল চহা কৃষকৰ কেউখন গাঁৱত যোৱা ২৮ মে’ৰ পৰা ছবি গ্ৰহণৰ ভিডিঅ’ ৰেকৰ্ডিংৰ কাম পূৰ্ণ গতিত অব্যাহত ৰাখিছে ৷ শংকৰদেৱৰ চৰিত্ৰত অভিনয় কৰিছে হিন্দী ধাৰবাহিক “ওঁম নঃমঃ শিৱাই” জনপ্ৰিয় অভিনেতা বোম্বাইৰ হৰ্ষৱৰ্দ্ধন ৰাণাৰ বিপৰীতে অভিনেতা নিলিম দত্তই মাধৱদেৱৰ চৰিত্ৰত অভিনয় কৰা ধাৰাৱাহিক চিৰিয়েলখনৰ পৰিচালনাৰ দায়িত্বত আছে দক্ষিণ ভাৰতৰ জীয়ৰী তথা অসমৰ খ্যাতি সম্পন্ন পৰিচালিকা মায়া ছেঞ্জি দাস ৷ মামনী বৰা মাক্ৰাৰীৰ প্ৰযোজনাত নিৰ্মীত  ধাৰাবাহিকখনত নৰনাৰায়ৰ চৰিত্ৰত অভিনয় কৰিছে অসমৰ জনপ্ৰিয় অভিনেতা অৰূপ বৰা, চিলাৰায় চৰিত্ৰত প্ৰধান দেউৰী, খেৰসুটী চৰিত্ৰত আছে চল্লচিত্ৰ অভিনেত্ৰী ৰীণা বৰা ৷ চিৰিয়েলখনৰ কাহিনী ভাগৰ ব্যৱস্থাপনাত আছে ড° সঞ্জিৱ বৰকাকতি ৷ মায়া ছেঞ্জি দাসে জানিব দিয়া মতে মহাপুৰুষ দুজনাৰ ওপৰত নিৰ্মীত ধাৰাৱাহিক খন ১৩ টা খণ্ডত প্ৰচাৰ অনুমতি প্ৰদান কৰিছে দূৰদৰ্শন কৰ্তৃপক্ষই ৷ ইতিমধ্যে অসমৰ বিভিন্ন ভিতৰুৱা গাঁৱৰ হৰিনাম ঘৰ আৰু নদ-নদীত ছবি গ্ৰহণৰ কাম সম্পন্ন কৰা হৈছে ৷ শদিয়াৰ পৰা ধুবুৰীলৈ বিস্তাৰিত শংকৰদেৱ আৰু মাধৱদেৱৰ সৃষ্টিৰাজিৰ হৰিনামৰ তাৎপৰ্য আৰু বৈষ্ণৱ ধৰ্মৰ প্ৰচাৰ ক্ষেত্ৰখনক এই হিন্দী ধাৰাৱাহিকখনত উপস্থাপনৰ ব্যৱস্থা কৰা হৈছে বুলি মায়া ছেঞ্জি দাসে জানিবলৈ দিছে ৷ শংকৰদেৱৰ বৈষ্ণৱ ধৰ্ম প্ৰচাৰ শীৰ্ষক আৰু মাধৱদেৱৰ নামঘোষা অসমীয়া ভাষাৰ পৰা হিন্দী আৰু ইংৰাজীলৈ অনুবাদ কৰি সমাদৰ লাভ কৰা মায়া ছেঞ্জি দাসে আৰু কয় যে ’শ্ৰীমন্ত শংকৰদেৱ আৰু মাধৱদেৱৰ আত্মজীৱনীৰ ওপৰত হিন্দী ধাৰাৱাহিকখন নিৰ্মাণৰ বাৱে ২ টা বছৰৰ প্ৰস্তুতি অৱশেষত সফল সমাপ্তি হোৱাৰ দিশত ৷’ উল্লেখ্য যে উজনি অসমৰ ডিব্ৰুগড়, ধেমাজি, তিনিচুকীয়া জিলাৰ বিভিন্ন অঞ্চলৰ বহু নতুন মূখৰ শিল্পীয়ে মায়া ছেঞ্জি দাসৰ পৰিচালনাত নিৰ্মীত মহাপুৰুষ দুজনাৰ ধাৰাৱাহিকখনত অভিনয়ৰ সুযোগ লাভ কৰিছে ৷ জকাই অঞ্চলৰ ভকত-বৈঞ্চৱসকলে মহাপুৰুষ দুজনাৰ সৃষ্টিৰাজি আৰু আত্মজীৱনীৰ ওপৰত নিৰ্মীত হিন্দী অনুবাদিত ধাৰাবাহিক চিৰিয়েলখন নিৰ্মাণৰ কাৰিকৰী দিশত পূৰ্ণ সহযোগিতা লাভ কৰা বুলি মায়া ছেঞ্জি দাসে জানিবলৈ দিয়ে ৷

 

About Staff Reporter

চাব পাৰে

জামুগুৰিহাটত ড০ দিলীপ কুমাৰ দত্তৰ স্মৃতি চাৰণ সভা

জামুগুৰিহাটত ড০ দিলীপ কুমাৰ দত্তৰ স্মৃতি চাৰণ সভা অসমীয়া সাহিত্য সন্মিলনীৰ সপ্তম প্ৰতিষ্ঠা দিৱসৰ উদ্ …

Leave a Reply

Your email address will not be published. Required fields are marked *