Thursday , February 27 2020
শেহতীয়া খবৰ

শেহতীয়া সংবাদ

গুৱাহাটী প্ৰেছ ক্লাৱত মেডিয়া অ’পিডি সম্পন্ন

গুৱাহাটী প্ৰেছ ক্লাৱত মেডিয়া অ’পিডি সম্পন্ন গুৱাহাটী: মহানগৰীৰ আগশাৰীৰ চিকিৎসালয়  ডাউন টাউন হস্পিটেলৰ উদ্যোগত ২৬ জুলাই ( শুক্ৰবাৰে )গুৱাহাটী প্ৰেছ ক্লাৱত   সাংবাদিকসকলৰ বাবে এক বিনামূলীয়া স্বাস্থ্য  শিবিৰৰ  আয়োজন কৰা হয়, য’ত সাংবাদিক সকলে অভিজ্ঞ চিকিৎসক ডাঃ চত্ৰজিৎ তালুকদাৰ  (এমএছ ) আৰু  ডাঃ শিৱ বালাজিৰ পৰা নাক, কাণ আৰু ডিঙিৰ প্ৰাথমিক …

Read More »

চিৰাঙত এছ এছ বিৰ উদ্যোগত কাৰ্গিল বিজয় দিৱস পালন

চিৰাঙত এছ এছ বিৰ উদ্যোগত কাৰ্গিল বিজয় দিৱস পালন নিবনুৱা যুৱতীক বিনামূলীয়া চিলাই প্ৰশিক্ষণ বঙাইগাঁওঃ ২৬ জুলাইঃ আজি চিৰাং জিলাৰ কাজলগাঁৱত বিশ সংখ্যক ঐতিহাসিক কাৰ্গিল বিজয় দিৱস পালন কৰা হয় ৷ উল্লেখ্য যে ১৯৯৯ চনৰ আজিৰ দিনটোতে ভাৰতে কাৰ্গিল যুদ্ধত পাকিস্তানক পৰাজিত কৰি কাৰ্গিল পুনৰ দখল কৰিছিল ৷ তেতিয়াৰে পৰা …

Read More »

চিৰাঙত বানৰ কৱলত আছে ১৭ খন গাঁও

চিৰাঙত বানৰ কৱলত আছে ১৭ খন গাঁও বানাক্ৰান্তক বি জি আৰ উপনগৰীবাসীৰ সাহায্য সামগ্ৰী বিতৰণ বঙাইগাঁওঃ ২৬ জুলাইঃ অসমৰ সাম্প্ৰতিক প্ৰলয়ংকাৰী বানত বিভিন্ন অঞ্চলৰ লগতে চিৰাং জিলাৰো বিস্তীৰ্ণ অঞ্চল ব্যাপক হাৰত ক্ষতিগ্ৰস্ত হৈছে। বিশেষকৈ চুবুৰীয়া ৰাষ্ট্ৰ ভূটানৰ পৰা নামি অহা বাঢ়নী পানীৰ ফলত আই নদী আৰু ইয়াৰ উপনৈসমূহ উফন্দি উঠি …

Read More »

Recent Posts

গৰীয়া-মৰিয়া-দেশীৰ দৰে কাছাৰী মুছলমানৰো হ’ব জৰীপ*

 

_৭ মার্চত দিছপুৰত মন্ত্ৰী ৰঞ্জিত দত্তৰ সঞ্চালনাত প্ৰতিনিধিত্বমূলক সভা_

 

ষ্টাফৰিপোৰ্টাৰ, ২৬ ফেব্ৰুৱাৰী: গৰিয়া, মৰিয়া, দেশী আৰু জোলহা আদি খিলঞ্জীয়া মুছলিম জনগোষ্ঠীসমূহৰ দৰে ৰাজ্যৰ কাছাৰী মুছলিম জনগোষ্ঠীৰো আৰ্থ-সামাজিক অৱস্থাৰ জৰীপ কৰোৱাৰ সিদ্ধান্ত গ্ৰহণ কৰিছে ৰাজ্য চৰকাৰে৷ এই সন্দর্ভত আলোচনা কৰিবৰ বাবে ৭ মার্চৰ দিনা অসম চৰকাৰৰ সংখ্যালঘু বিভাগে এখন বৈঠকৰ আয়োজন কৰিছে৷ বিভাগীয় মন্ত্ৰী ৰঞ্জিত দত্তৰ সঞ্চালনাত অনুষ্ঠিত হ’বলগীয়া এই বৈঠকত জনগোষ্ঠীটোৰ বিভিন্ন সংগঠন আৰু নির্বাচিত বিশিষ্ট ব্যক্তিসকলে অংশ গ্ৰহণ কৰিব৷ গৰিয়া, মৰিয়া, জোলহা আদি জনগোষ্ঠীৰ আৰ্থ-সামাজিক জৰীপ কৰোৱাৰ বিষয়টো আলোচনা কৰিবৰ বাবে ১১ ফেব্ৰুৱাৰীৰ দিনা বিভাগীয় মন্ত্ৰী দত্তৰ সঞ্চালনাত জনগোষ্ঠীসমূহৰ সংগঠনসমূহৰ সৈতে এখন সভা অনুষ্ঠিত হৈছিল৷  তাৰ পিছতে বৰাক উপত্যকাৰ তিনিখন জিলাৰ লগতে হোজাই জিলাকে ধৰি ৰাজ্যৰ অন্য ঠাইত বসবাস কৰি থকা কাছাৰী জনগোষ্ঠীয় সংগঠনসমূহেও অনুৰূপ জৰীপৰ দাবী উত্থাপন কৰে৷
নিজকে গৰিয়া-মৰিয়াৰ অনুৰূপ খিলঞ্জীয়া বুলি দাবী কৰি জনগোষ্ঠীটোৰ সংগঠনসমূহে যোৱা দুসপ্তাহ ধৰি বিভাগৰ উচ্চপদস্ত বিষয়াসকলৰ লগতে বিভাগীয় মন্ত্ৰী ৰঞ্জিত দত্ত আৰু মুখ্যমন্ত্ৰী সর্বানন্দ সোণোৱালক পৃথকে পৃথকে সাক্ষাৎ কৰে৷ ২৪ ফেব্ৰুৱাৰীত অসম বিধান সভাৰ উপাধ্যক্ষ আমিনুল ইছলাম লস্কৰৰ নেতৃত্বত জনগোষ্ঠীটোৰ বৃহৎ প্ৰতিনিধি দল এটাই মুখ্যমন্ত্ৰীক সাক্ষাৎ কৰাৰ পিছত মুখ্যমন্ত্ৰীৰ নির্দেশতে সংখ্যালঘু বিভাগে উল্লিখিত সিদ্ধান্ত গ্ৰহণ কৰে৷

মহানগৰীত “এন কে হোটেল” মুকলি জুবিন গাৰ্গৰ*

*”বিজেপি নেতা পবিত্ৰ মাৰ্ঘেৰিটাৰ সন্মুখতে জুবিনে ক’লে “ন’ কা”*

ষ্টাফৰিপোৰ্টাৰ, ২৬ ফেব্ৰুৱাৰীঃ* মহানগৰীৰ কাহিলীপাৰাৰ জটীয়াত বুধবাৰে অয় টাউনহাউচৰ সহযোগত বিলাসী হোটেল এন কে হোটেল মুকলি কৰে জনপ্ৰিয় শিল্পী জুবিন গাৰ্গে। এন কে প্ৰডাকচনৰ উত্তৰসূৰী নিত্য বৰকটকীৰ মালিকানাধীন হোটেলখনৰ শুভ উদ্বোধনী অনুষ্ঠানত উপস্থিত থাকে অসমৰ বহুকেইগৰাকী স্বনামধন্য শিল্পীৰ লগতে জ্যোতিচিত্ৰবনৰ অধ্যক্ষ তথা এসময়ৰ এন কে প্ৰডাকচনৰ কৰ্মী পবিত্ৰ মাৰ্ঘেৰিটা। হোটেলখন উদ্বোধন কৰি পবিত্ৰ মাৰ্ঘেৰিটাসহ জুবিন গাৰ্গে নিত্য বৰকটকীৰ এনে কৰ্ম আন্দোলনক প্ৰশংসা কৰাৰ লগতে উত্তৰোত্তৰ কামনা কৰে। আনহাতে, বিজেপিৰ নেতা তথা জ্যোতি চিত্ৰবনৰ অধ্যক্ষ পবিত্ৰ মাৰ্ঘেৰিটাৰ সন্মুখতে নাগৰিকত্ব সংশোধনী আইন চমুকৈ ‘কা’ সন্দৰ্ভত সাংবাদিকে সোধা প্ৰশ্নৰ উত্তৰত জনপ্ৰিয় শিল্পীগৰাকীয়ে কয় “সম্প্ৰতি হাইস্কুল শিক্ষান্ত পৰীক্ষা আৰু উচ্চতৰ মাধ্যমিকৰ চূড়ান্ত পৰীক্ষা চলি থকাৰ কাৰণে আন্দোলন কিছু স্তিমিত হ’লেও অসমত প্ৰধানমন্ত্ৰী মোদী এণ্ড টীমে জাপি দিব বিচৰা এই আইন কোনো কাৰণতে মানি লোৱা নহ’ব। “ৰাজনৈতিক মতাদৰ্শ যেনেদৰে আমাৰ পৃথক ঠিক তেনেদৰে পবিত্ৰ আৰু মোৰ সম্পৰ্কও বহুত পৃথক। সৰ্বাদাক মুখ্যমন্ত্ৰী হিচাপে নহয়, ব্যক্তিগত এটা সম্পৰ্ক আছে কাৰণে সন্মান জনোৱাৰ বাবে বহুতে তাক ভুল বাখ্যা কৰিছিল। সেয়া হ’ব নালাগে। ব্যক্তিগত সম্পৰ্ক সম্পূৰ্ণৰূপে পৃথক। আজি পবিত্ৰ বিজেপিৰ নেতা হ’ল বুলিয়েই মই তাৰ সৈতে কথাও পাতিব নোৱাৰিম নেকি? সকলো কথা একাকাৰ কৰি বেছি নেতিবাচক ৰূপ দিব নালাগে।” –শিল্পীগৰাকীয়ে দোহাৰে। ইপিনে, পবিত্ৰ মাৰ্ঘেৰিটায়ো জুবিন গাৰ্গৰ কথাৰ আঁত ধৰি ব্যক্তিগত জীৱন আৰু ৰাজহুৱা জীৱনৰ মাজত পাৰ্থক্য আছে বুলি মত ব্যক্ত কৰাৰ লগতে জুবিন গাৰ্গে কা’ নামানো বুলি কোৱাৰ বিপৰীতে পবিত্ৰ মাৰ্ঘেৰিটাই কা’ক সম্পূৰ্ণৰূপে সমৰ্থন কৰোঁ বুলি মন্তব্য কৰে। উল্লেখ্য যে সম্প্ৰতি জুবিন গাৰ্গ সম্পূৰ্ণৰূপে ব্যস্ত ৩ এপ্ৰিলত মুক্তিলাভ কৰিবলগীয়া এন কে প্ৰডাকচনৰ নৱতম চলচ্চিত্ৰ “জানমণি২০২০”ৰ সংগীতৰ কামত।

বামুণি গাঁৱত ৩৬ গৰাকী মহিলা উদ্যোগীক সম্বৰ্ধনা

 

,
ষ্টাফৰিপোৰ্টাৰ,২৬ ফেব্ৰুৱাৰী।।।ইণ্টাৰগ্লোব ফাউণ্ডেশ্যনৰ পুঁজিৰে ধৃতি-“দ্যা কাৰেজ উইডইনে ৰূপায়ন কৰা প্ৰগতি প্ৰকল্পৰ অধীনত ক্ষুদ্ৰ উদ্যোগৰ আৰ্হিৰে মহিলাসকলক এশ শতাংশ প্ৰাকৃতিকভাৱে পচন হোৱা তামোলৰ পাতৰ প্লেট সাজি উলিয়াবলৈ মহিলা সকলক অন্তৰ্ভুক্তকৰণ কৰা হৈছে। ইয়াত ইণ্টাৰগ্লোব ফাউনণ্ডেচনে পুঁজি যোগান ধৰাৰ বিপৰীতে অসম ভিত্তিক তামোল প্লেট মাৰ্কেটিং প্ৰাইভেট লিমিটেডে কৰিকৰী সুবিধা আগবঢ়াইছে। সেয়ে বুধবাৰে অসমৰ কামৰূপ জিলাত অৱস্থিত বামুনিগাঁৱত এক অনুষ্ঠানত প্ৰগতি প্ৰকল্পৰ অংশ স্বৰূপে ৩৮ গৰাকী অসমৰ মহিলা উদ্যোগীক সম্বৰ্ধনা জনোৱা হয়। এই অনুষ্ঠানতে এইসকল মহিলাই স্থাপন কৰা দুটা আত্মসহায়ক গোটলৈ যন্ত্ৰাংশ প্ৰদান কৰা হয়। মহিলা সকলে তেওঁলোকৰ ব্যৱসায় সুস্থিৰ কৰিবলৈ সক্ষম হোৱাৰ সময়ত এই উক্ত অনুষ্ঠানৰ আয়োজন কৰা হয়। এই অনুষ্ঠাতে ‘ফেচ অৱ দা ইণ্ডিয়ান”ৰো আয়োজন কৰা হয়। ইন্টাৰগ্লোব ফাউণ্ডেচনৰ তৰফৰ পৰা এই অনুষ্ঠানত উপস্থিত থাকে প্ৰিয়ংকা সিং আৰু দীপা দিক্ষিত। অনুষ্ঠান সম্পর্কে উল্লেখ কৰি ধৃতিৰ সঞ্চালক নিধি আৰোৰাই কয়”-বৰপেটাৰ পৰা আমি আমাৰ কাম আৰম্ভ কৰিছিলো তামোলৰ ঢকুৱাৰ পৰা প্লেট বনোৱা আমাৰ প্ৰথম প্ৰজেক্ট আছিল। ইয়াৰ উপৰিও আমি মহিলা সকলক মেচিন চলোৱাৰ ট্ৰেইনিং, নিজৰ ব্যবসায় কেনেকৈ চলাব লাগে, কেনেকৈ ধন ঘটি ধন ৰাহি কৰিব লাগে এই সকলো ধৰণৰ আমি প্ৰশিক্ষন মহিলা সকলক দিওঁ। আমাৰ উদ্দেশ্য মহিলা সকলে যাতে উদ্যোগিক ক্ষেত্ৰ খনত আগবাঢ়ি যাব পাৰে আৰু মহিলা উদ্যোগিতাক মানুহে ভালদৰে বুজি পায়”। সভাত বহু সংখ্যক বিশিষ্ট ব্যক্তি উপস্থিত থাকে।

বৃহত্তৰ হাতীগাৱ সাৰ্বজনীন দুৰ্গা পূজাথলী উন্নয়ন আৰু পৰিচালনা সমিতিৰ সাধাৰণ সভা সম্পন্ন

 

ষ্টাফৰিপোৰ্টাৰ, ২৬ ফেব্ৰুৱাৰী : বৃহত্তৰ হাতীগাৱ সাৰ্বজনীন দুৰ্গা পূজাথলী উন্নয়ন আৰু পৰিচালনা সমিতিৰ উদ্যোগত ২৩ ফেব্ৰুৱাৰীত বজাত হাতীগাৱৰ দুৰ্গা মন্দিৰ পথৰ কেতেকীতলত এখন সাধাৰণ সভা অনুষ্ঠিত হয়। এই সভাত সৰ্বসন্মতি ক্ৰমে আগন্তুক ত্ৰি-বাৰ্ষিক (২০২০-২০২৩) চনৰ সমিতি খন ক্ৰমে বিকাশ ৰায়মেধিক সভাপতি, গুনজিত অধিকাৰীক কাৰ্যকৰী সভাপতি, নাৰায়ণ ৰায়মেধিক, পৱন চন্দ্ৰ শৰ্মাক উপ-সভাপতি, দীপাংকৰ ৰায়মেধিক (অংকুৰ) ক প্ৰধান সম্পাদক, সুভাষ শৰ্মা আৰু অতুল চন্দ্ৰ চৌধুৰীক যুটীয়া সম্পাদক, হেমন্ত শৰ্মাক কোষাধ্যক্ষ আৰু ৮ জনীয়া কাৰ্যনিৰ্বাহক সদস্য, সদস্যাক লৈ গঠন কৰা হৈছে বুলি এক বিবৃতি যোগে সমিতিৰ প্ৰধান সম্পাদক দীপাংকৰ ৰায়মেধি (অংকুৰ) য়ে জনায়।

ইউ এছ টি এমে মুকলি কৰিলে গ্ৰীণ এনাৰ্জী বাহন

 

ষ্টাফৰিপোৰ্টাৰ , ২৬ ফেব্ৰুৱাৰী : ন মাইলস্থিত ইউ এছ টি এমে সেউজ চৌহদ কাৰ্যকৰী কৰণৰ অংশ স্বৰূপে বুধবাৰে মুকলি কৰিলে গ্ৰীণ এনাৰ্জী বাহন। এই গ্ৰীণ এনাৰ্জী বাহন দুখনৰ বুধবাৰে ফ্লেগ অফ কৰে “আমাৰ অসম”ৰ সম্পাদক প্ৰশান্ত ৰাজগুৰুয়ে। এই অনুষ্ঠানত ইউ এছ টি এমৰ আচাৰ্য মহববুল হক, উপাচাৰ্য ড০ মৃদুল হাজৰিকা, প্ৰতি উপাচাৰ্য অধ্যাপক সুহেইল ছবিৰ, ইউ এছ টি এমৰ প্ৰধান উপদেষ্টা ড০ পি কে গোস্বামী, উপদেষ্টা ড০ আৰ কে শৰ্মা আদি বিশিষ্ট ব্যক্তি উপস্থিত থাকে। এই অনুষ্ঠানত ইউ এছ টি এমৰ আচাৰ্য মহববুল হকে কয় ” পৰিবেশৰ সজাগতাৰ প্ৰতি লক্ষ্য ৰাখি আমি বিভিন্ন পদক্ষেপ গ্ৰহণ কৰি আহিছোঁ। এই বাহন দুখন ইউ এছ টি এমৰ চৌহদত থকা কৰ্মচাৰী, বিষয়ববীয়া আৰু শিক্ষাৰ্থীৰ সুবিধাৰ প্ৰতি লক্ষ্য ৰাখি মুকলি কৰা হৈছে। তদুপৰি বিশেষ ভাৱে সক্ষম শিক্ষাৰ্থীৰ সহায়ৰ প্ৰতি লক্ষ্য ৰাখি এনে ধৰণৰ বাহন আকৌ মুকলি কৰা হ’ব । পৰিবেশৰ পৰিৱৰ্তন, গোলকীয় উষ্ণতা প্ৰতি লক্ষ্য ৰাখি আমি আমাৰ চৌহদ পৰিবেশ অনুকূল কৰি ৰখাৰ প্ৰতি অধিক গুৰুত্ব দি আহিছোঁ।”

নগৰিকত্ব সংশোধনী আইন ( কা) বাতিল, গণতন্ত্ৰ ৰক্ষা আৰু জীৱন-জীৱিকাৰ অধিকাৰৰ দাবীত চি পি আই ( এম-এল) ৰ প্ৰচাৰ অভিযান

 

ষ্টাফৰিপোৰ্টাৰ , ২৬ ফেব্ৰুৱাৰী : নগৰিকত্ব সংশোধনী আইন ( কা) বাতিল, গণতন্ত্ৰ ৰক্ষা আৰু জীৱন-জীৱিকাৰ অধিকাৰৰ দাবীত চি পি আই ( এম-এল) য়ে প্ৰচাৰ অভিযান আৰম্ভ কৰিব- বুধবাৰে গুৱাহাটী প্ৰেছ ক্লাৱত চি পি আই (এম এল) ৰ উদ্যোগত অনুষ্ঠিত এখন সংবাদমেল যোগে এই কথা সদৰী কৰে চি পি আই (এম এল) ৰ কেন্দ্ৰীয় সমিতিৰ সদস্য বিবেক দাসে। তেওঁ লগতে কয় ” নগৰিকত্ব সংশোধনী আইন ( কা) হৈছে দেশৰ স্বাধীনতা সংগ্ৰামৰ ফচল সংবিধান আৰু গণতান্ত্ৰিক ব্যৱস্থাৰ ওপৰত আক্ৰমণ আৰু ধৰ্মনিৰপেক্ষ তা, সামাজিক ন্যায়, ৰাজনৈতিক অধিকাৰৰ গেৰাণ্টিৰ ভিত্তিত সংবিধানে দেশৰ নাগৰিকক প্ৰদান কৰা বিনয়াদী প্ৰতিশ্ৰুতিৰ সম্পূৰ্ণ বিৰোধী। এই আইন খনে ঐতিহাসিক অসম চুক্তিক নাকচ কৰিছে।অসমীয়া জাতিৰ ভাষা, সাহিত্য, সংস্কৃতিৰ অস্তিত্বৰ প্ৰতি ভাবুকি সৃষ্টি কৰিছে আৰু ৰাজ্যখনৰ জনগাঁথনি বিন্যাসৰ পৰিবৰ্তন ঘটাই অসম8 ৰাইজৰ ৰাজনৈতিক অধিকাৰকো নি:শেষ কৰিব। এই আইন হৈছে ভাৰতক। হিন্দু ৰাষ্ট্ৰ হিচাপে গঢ়ি তোলাৰ বিজেপি-আৰ এছ এছ কৰ্মসূচী আৰু আমি এই আচঁনিক প্ৰতিৰোধ কৰিবই লাগিব। নিবনুৱা বৃদ্ধিয়ে হৈছে এই চৰকাৰ খনৰ নিয়োগ নীতি। কৰ্পোৰেট তথা বনিয়া গোষ্ঠীৰ স্বাৰ্থই হৈছে চৰকাৰখনৰ স্বাৰ্থ। এন পি আৰ ৰূপায়ণে ৰাজ্যৰ সদ্য সমাপ্ত এন আৰ চিক নাকচ কৰিব আৰু ই হৈছে নতুন ৰূপত এম আৰ চি পুনৰীক্ষণ কৰাৰ ষড়যন্ত্ৰ। ইয়াক যিকোনো মূল্যৰ বিনিময়ত প্ৰতিৰোধ কৰিবলৈ আমি ৰাইজক আহ্বান জনালোঁ। লগতে ডিটেনছন কেম্পসমূহ উঠাই দিয়া আৰু কেম্পত মৃত্যু হোৱা পৰিয়াল সমূহক উপযুক্ত ক্ষতিপূৰণ প্ৰদান কৰাৰ দাবী জনালোঁ। আমি লগতে এখন ঐক্যবদ্ধ নতুন গণতান্ত্ৰিক অসম নিৰ্মাণৰ সংগ্ৰামক আগুৱাই নিবলৈ ৰাইজলৈ আহ্বান জনালোঁ। গংগাৰাম ক’লৰ হত্যাকাৰীক কৰায়ত্ত কৰি ন্যায় প্ৰদান কৰাৰ দাবী জনালোঁ।” সংবাদ মেল যোগে চি পি আই এম এলৰ অসম ৰাজ্যিক সমিতিৰ সম্পাদক ৰুবুল শৰ্মাই কয় ” আমি নগাঁৱ আৰু কাছাৰ কাগজ কলৰ শ্ৰমিকৰ ওপৰত চলা নিৰ্যাতন বন্ধ কৰা, চাহ-শ্ৰমিকৰ দৈনিক ৩৫১ টকা মজুৰি আৰু যোৱা তিনি বছৰে শ্ৰমিকৰ প্ৰাপ্য বৰ্দ্ধিত মজুৰি চৰকাৰে অদ্যায় দিয়া, চাহ শ্ৰমিকৰ বাবে উপযুক্ত শিক্ষা-স্বাস্থ্যৰ নিশ্চয়তা প্ৰদান কৰা, মাইক্ৰফাইনেঞ্চৰ ঋণ ফান্দৰ বলি হোৱা মহিলা সকলৰ সকলো ঋণ মুকুৰ কৰা আৰু জীৱিকাৰ ব্যৱস্থা কৰা, ভূমিহীন, গৃহহীন গ্ৰামীণ নিবনুৱা সকলৰ ৰাষ্ট্ৰীয় পঞ্জীয়ন কৰি, ভূমি, আবাসগৃহ আৰু সংস্থাপনৰ ব্যৱস্থা কৰা, গ্ৰামঞ্চলত প্ৰতিটো পৰিয়ালক ১০০ ইউনিট বিদ্যুৎ মাচুল বিনামূলীয়া কৰা, ৰন্ধন গেছৰ দাম আধা কৰা, ৰাষ্ট্ৰীয় গ্ৰাম্য আজীৱন অভিযান আঁচনিৰ জৰিয়তে আত্মসহায়ক গোটসমূহক দহ লাখ টকাকৈ প্ৰদান কৰা, কৃষকৰ ভূমিৰ অধিকাৰ প্রদান কৰাৰ দাবী জনালোঁ । এই পৰিলক্ষিতত আমি ২৬ ফেব্ৰুৱাৰীৰ পৰা ২৫ মাৰ্চলৈ আহ্বান জনোৱা প্ৰচাৰ অভিযান সফল কৰি তুলিবলৈ সকলো সংগ্রামী ৰাইজৰ প্ৰতি আহ্বান জনালোঁ। এই অভিযান ২৫ মাৰ্চত জনপ্ৰিয় শ্ৰমিক নেতা গাংগাৰাম ক’লৰ অষ্টম শ্বহীদ দিৱসত গণ বিক্ষোভ, প্ৰতিবাদ সমদল, ঘেৰাও, সমাবেশ আদি কাৰ্যসূচীৰ জৰিয়তে সামৰণি পৰিব।” সংবাদমেলত চি পি আই (এম এল) ৰ অসম ৰাজ্যিক সমিতিৰ সদস্য পংকজ কুমাৰ দাস আৰু নৰেণ বৰা উপস্থিত থাকে।

ভাৰতৰ শিক্ষা সংস্কাৰত বিদ্যা ভাৰতীয়ে এক বিশেষ ভূমিকা পালন কৰি আহিছে – ৰামকৃষ্ণ ৰাও

ভাৰতৰ শিক্ষা সংস্কাৰত বিদ্যা ভাৰতীয়ে এক বিশেষ ভূমিকা পালন কৰি আহিছে – ৰামকৃষ্ণ ৰাও

পঙ্কজ নাথ, চাংসাৰি, ২৬ ফ্ৰেব্ৰুৱাৰী :

মুক্তধাৰা সভাগাৰ, আগৰতলাত প্ৰয়াত কৃষ্ণ চন্দ্ৰ গান্ধী সোঁৱৰণী বঁটা কালি ২৫ ফেব্ৰুৱাৰীত প্ৰদান কৰা হয়।
বিদ্যা ভাৰতীৰ ৰাষ্ট্ৰীয় অধ্যক্ষ ৰামকৃষ্ণ ৰাওঁ, স্বামী চিত্ৰৰঞ্জন মহাৰাজ, ত্ৰিপুৰাৰ উপমূখ্যমন্ত্ৰী জিশ্ৰু দেৱ শৰ্মাই দীপ প্ৰজ্জলন কৰি কাৰ্যক্ৰমৰ আৰম্ভণি কৰিছিল ।সমাৰোহৰ মঞ্চত বিদ্যা ভাৰতীৰ শিশু শিক্ষা সমিতিৰ ত্ৰিপুৰাৰ অধ্যক্ষ ডা০ শংকৰ ৰায়, ৰাষ্ট্ৰীয় মন্ত্ৰী ব্ৰহ্মাজী ৰাওঁ, বিদ্যা ভাৰতীৰ পূৰ্বোত্তৰ ক্ষেত্ৰৰ অধ্যক্ষ ডা০ জয়কান্ত শৰ্মা, পূৰ্বোত্তৰ জনজাতীয় শিক্ষা সমিতিৰ মাৰ্গদৰ্শক লৌগকী ফ্ৰাংচু , প্ৰমূখ্যে শিশু শিক্ষা সমিতিৰ অধ্যক্ষ সদা দত্ত দেৱ উপস্থিত আছিল । স্বৰ্গীয় কৃষ্ণ চন্দ্ৰ গান্ধী এজন মহান সমাজ সেৱক হোৱাৰ লগতে পূৰ্বোত্তৰ ক্ষেত্ৰৰ গোটেই দেশৰ জনজাতীয় বন্ধু সকলৰ মাজত শিক্ষাৰ পোহৰ বিলাবলৈ গোটেই জীৱন সমৰ্পন কৰিছিল । সুদীৰ্ঘ ২৫ বছৰ কাল পূৰ্বোত্তৰ ক্ষেত্ৰৰ অৰুণাচল, নাগালেণ্ড, ত্ৰিপুৰা, মেঘালয়, মণিপুৰ, অসমৰ পিছ পৰা ঠাইসমূহ ভ্ৰমণ কৰি জনমানসক শিক্ষা দিবলৈ প্ৰেৰণা দিছিল । যাৰ বাবে তেখেতৰ দৰে মহান ব্যক্তিৰ ব্যাপক বিচাৰ বুদ্ধি, তথা কষ্ট আৰু কঠোৰ পৰিশ্ৰমৰ ফলস্বৰূপে বিদ্যা ভাৰতীৰ প্ৰথমখন বিদ্যালয় স্থাপন হৈছিল । এইজনা স্বনমধন্য
ব্যক্তিৰ নাম অলংকৃত কৰিবৰ বাবে তেখেতৰ নামতে সমাজৰ শ্ৰেষ্ঠ সামাজিক ব্যক্তিক বছৰি পুৰস্কাৰ প্ৰদান কৰাৰ ব্যৱস্থা কৰা হয় । সেই উদ্দেশ্য আগত ৰাখি যোৱা কালি ২৫ তাৰিখে পূৰ্বোত্তৰ জনজাতি শিক্ষা, সমিতিৰ সৌজন্যত ত্ৰিপুৰাৰ আগৰতলাত “কৃষ্ণ চন্দ্ৰ গান্ধী সোঁৱৰণী বঁটা” ২০২০ স্বামী চিত্ৰৰঞ্জন দেৱবৰ্মাক প্ৰদান কৰা হয় । বিশিষ্ট শিক্ষাবিদ, আধ্যাত্মিক গুৰু দেৱবৰ্মাই বিগত কেইবা দশক জুৰি দুখীয়া পিতৃ মাতৃহীন শিশুক সংস্কাৰ আৰু শিক্ষা প্ৰদান কৰি সমাজৰ প্ৰতি অতুলনীয় অৱদান আগবঢ়াইছে । বঁটা প্ৰদান কৰা অনুষ্ঠানটিত ভাষণ প্ৰদান কৰি বিদ্যা ভাৰতীৰ ৰাষ্ট্ৰীয় অধ্যক্ষ ৰামকৃষ্ণ ৰাওঁৱে কয় বিদ্যা ভাৰতীয়ে ভাৰতৰ শিক্ষা ব্যৱস্থাত বিশেষ ভূমিকা পালন কৰিছে। বিশেষকৈ শিক্ষা সংস্কাৰত ।
কৃষ্ণ চন্দ্ৰ গান্ধীয়ে ভাৰতৰ পূৰ্বোত্তৰ জনজাতীয় সমাজ তথা বনবাসী অঞ্চলত শিক্ষাৰ প্ৰসাৰ আৰু প্ৰচাৰ যাতে তীব্ৰ গতিৰে চলে তাৰ বাবে বিভিন্ন আঁচনি প্ৰস্তুত কৰিছিল । বিদ্যাভাৰতীৰ সৰস্বতী শিশু মন্দিৰৰ প্ৰতিষ্ঠাতা আৰু কখিল ভাৰতীয় বনবাসী শিক্ষা প্ৰমুখ কৃষ্ণ চন্দ্ৰ গান্ধীয়ছ উত্তৰ পূৰ্বাঞ্চলৰ বনবাসী অঞ্চলৰ শিক্ষাৰ প্ৰসাৰৰ বাবে বিশেষ ভাৱে অৰিহণা যোগাইছিল ।
পুৰস্কাৰ প্ৰদানৰ বাবে লক্ষীমপুকৰ জিলাৰ বিশিষ্ট ব্যৱসায়ী ৰাজেশ মালপানী দ্বাৰা ১,০০,০০০ লাখ টকা আৰ্থিক সাহাৰ্য্য হিচাপে প্ৰদান কৰে ।সমাৰোহত মহাৰাজা বীৰ বিক্ৰম বৰ্মা, বিশ্ববিদ্যালয়ৰ কুলপতি প্ৰফেছৰ সত্যদেৱ পোদ্দাৰ, ত্ৰিপুৰা কেন্দ্ৰীয় বিশ্ববিদ্যালয়ৰ কুলপতি প্ৰফেছৰ এম কে সিংহ, ত্ৰিপুৰাৰ উচ্চ শিক্ষা আয়োগৰ অধ্যক্ষ অৰুণোদয় সাহী, ভাৰতীয় সুচনা প্ৰদ্যোগিকী সংস্থান আগৰতলাৰ ডাইৰেক্টৰ প্ৰ: পি এছ অৱধানী প্ৰদূষণ নিয়ন্ত্ৰণা বোৰ্ডৰ চেয়াৰমেন প্ৰ: বি কে আগৰৱাল, ত্ৰিপুৰাৰ বিশিষ্ট শিক্ষাবিদ প্ৰ: জগদীশ গণ চৌধুৰী বিদ্যা ভাৰতী পূৰ্বোত্তৰ ক্ষেত্ৰৰ সহ সংগঠন মন্ত্ৰী ডা০ পৱণ তিৱাৰীবিদ্যা ভাৰতী শিশু শিক্ষা সমিতিৰ মন্ত্ৰী মনোজ নাথ, সয়োজক নীলমণী চক্ৰৱৰ্তী কাৰ্বী আংলং স্বায়ত্ব শাসী পৰিষদৰ সদস্য সৌগ সিংহ ৰংপী সপৰিয়ালে উপস্থিত থাকে ।সমাৰোহত ৫০০ ৰো অধিক গণ্যমাণ্য ব্যক্তি উপস্হিত থাকে । শেষত বন্দে মাতৰম্ গীতেৰে সমাৰোহ সম্পন্ন কৰে । আজি গুৱাহাটীত বিদ্যা ভাৰতী পূৰ্বোত্তৰ ক্ষেত্ৰৰ কাৰ্যলয় মন্ত্ৰী বিকাশ শৰ্মাই সাংবাদিক এক প্ৰছ বাৰ্তা যোগে উক্ত সন্দৰ্ভত জানিবলৈ দিয়ে ।

নলবাৰীৰ নাট্য মন্দিৰত চলচ্চিত্ৰ উৎসৱ- ২০২০

নলবাৰীৰ নাট্য মন্দিৰত চলচ্চিত্ৰ উৎসৱ- ২০২০

*ৰূপক বৈশ্য, ফাৰ্ষ্ট নিউজ ৰিপোৰ্ট, নলবাৰী, ২৬ ফেব্ৰুৱাৰী*

অসম চৰকাৰৰ সাংস্কৃতিক সঞ্চালকালয়ৰ উদ্যোগত আৰু নলবাৰী জিলা প্ৰশাসনৰ সহযোগত অহা ২৭ আৰু ২৮ ফেব্ৰুৱাৰীত নলবাৰী নাট্যমন্দিৰত দুদিনীয়া চলচ্চিত্ৰ মহোৎসৱ- ২০২০ ৰ আয়োজন কৰিছে বুলি জানিব পৰা গৈছে ৷ ২৭ ফেব্ৰুৱাৰীত দিনৰ ১১ বজাত পৰিচালক জাহ্নু বৰুৱাৰ বান্ধোন, বিয়লি ২-৩০ বজাত পৰিচালক ৰজনী বৰুৱাৰ ৰাগ আৰু সন্ধিয়া ৫ বজাত পৰিচালক ববী শৰ্মা বৰুৱাৰ সোণাৰ বৰণ পাখি- এই তিনিখন অসমীয়া চলচ্চিত্ৰ প্ৰদৰ্শন কৰা হ’ব ৷ আনহাতে ২৮ ফেব্ৰুৱাৰীত দিনৰ ১১ বজাত পৰিচালক বিদ্যুৎ চক্ৰৱৰ্তীৰ নিষিদ্ধ নদী, বিয়লি ২-৩০ বজাত পৰিচালক মৃদুল গুপ্তাৰ টি. আৰ. পি. আৰু নামৰ লগতে সন্ধিয়া ৫ বজাত পৰিচালক প্ৰবীণ হাজৰিকাৰ শৃংখল- আন তিনিখন চলচ্চিত্ৰ প্ৰদৰ্শন কৰা হ’ব ৷ উক্ত বিনামূলীয়া অনুষ্ঠানলৈ সাংস্কৃতিক পৰিক্ৰমা, অসমৰ সঞ্চালক বিষ্ণু কমল বৰা আৰু নলবাৰীৰ উপায়ুক্ত ভাৰত ভূষণ দেৱচৌধুৰীয়ে সমূহলৈ সাদৰ নিমন্ত্ৰণ জনাইছে ৷

*প্ৰেৰকঃ ৰূপক বৈশ্য, নলবাৰী*

আজি মণিৰাম দেৱানৰ ১৬২ বছৰীয়া মৃত্যু দিৱসঃ

আজি মণিৰাম দেৱানৰ ১৬২ বছৰীয়া মৃত্যু দিৱসঃ অসমৰ প্ৰথম গৰাকী পঞ্জীকৃত ব্যৱসায়ীৰ প্ৰতি চেম্বাৰছ অৱ কমাৰ্ছৰ সন্মান : আয়োজন কৰিছে ‘উদ্যমিতা দিৱস’ঃ এতিয়াও স্বীকৃতি লাভ কৰা নাই শ্বহীদ গৰাকীয়ে*

শিৱসাগৰ , ২৬ ফেব্ৰুৱাৰী : মণিৰাম দেৱান।স্বাধীনতা আন্দোলনৰ অসমৰ অন্যতম প্ৰথম শ্বহীদ।বৃটিছ ইষ্ট ইণ্ডিয়া কোম্পানীৰ শাসন অসমৰ পৰা ওফৰাই পেলোৱাৰ চেষ্টা কৰাৰ অপৰাধত এইগৰাকী সিংহ পুৰুষক ১৮৫৮ চনৰ ২৬ ফেব্ৰুৱাৰীত ফাঁচী কাঠত ওলমাইছিল বগা বঙালে।

আজিৰ দিনটো অসমৰ ৰাজনৈতিক, অৰ্থনৈতিক আৰু সামাজিক প্ৰেক্ষাপটত এক গুৰুত্বপূৰ্ণ দিন।কিয়নো আজিৰ দিনটোত অসম সন্তান, অসমৰ ৰাজনৈতিক, অৰ্থনৈতিক আৰু সামাজিক দিশৰ অন্য এক সিংহ পুৰুষ মণিৰাম বৰভাণ্ডাৰ বৰুৱা,মণিৰাম দত্ত বৰুৱা ওৰফে মণিৰাম দেৱানক বৃটিছ কোম্পানী শাসনে কোম্পানীৰ বিৰুদ্ধে ষড়যন্ত্ৰ ৰচাৰ অভিযোগত ফাঁচী কাঠত ওলমাইছিল।বৃটিছ কোম্পানীৰ চিৰস্তাদাৰ, বেলিমাৰ যোৱা আহোম শাসনৰ বৰভাণ্ডাৰ, আছাম টি কোম্পানীৰ দেৱান আদি বহু গুৰুত্বপূৰ্ণ পদত কাৰ্যনিৰ্বাহ কৰা মণিৰাম দেৱান কেৱল অসমৰ ৰাজনৈতিক অৱস্থাৰ এজন পুৰুধা ব্যক্তি নাছিল।মণিৰাম দেৱান আছিল প্ৰথম অসমীয়া পঞ্জীকৃত ব্যৱসায়ী।দেৱান প্ৰথম অসমীয়া চাহ খেতিয়ক।অসমত চাহ শিল্পৰ জনক আখ্যা দিয়া ব্ৰুছ ভাতৃদ্বয়ক চিংফৌ গামে চাহ পানীয় গ্ৰহণ কৰাৰ প্ৰাথমিক খৱৰ দিছিল মণিৰামে।মণিৰাম দেৱানে নিজ প্ৰচেষ্টাত বৰ্তমানৰ যোৰহাট জিলাৰ চীনামৰা আৰু চৰাইদেউ জিলাৰ চিংলৌত দুখন চাহ বাগান স্থাপন কৰিছিল।চিংলৌ বাগানৰ একাংশ মাটি বৰ্তমান চৰকাৰী বনাঞ্চলৰ ভিতৰত আৰু ইয়াত এতিয়াও মণিৰাম দেৱানে ৰুই যোৱা বৃহৎ চাহগছ বৰ্তমান।চাহ ব্যৱসায়ী ৰূপে নিজকে প্ৰতিষ্ঠা কৰাৰ ওপৰিও মণিৰাম দেৱানে অসমৰ বনৰীয়া হাতী ধৰি ভাৰতৰ বিভিন্ন প্ৰান্তলৈ চালান দিছিল।ইয়াৰ সামান্তৰাল ভাৱে তেওঁ লো,সোণ,লোণ আদি বিভিন্ন সামগ্ৰীৰ ব্যৱসায় আৰম্ভ কৰিছিল।অসমৰ মাটিত পোৱা লো নিষ্কাষণ কৰি লোহা ধাতুৰ এক বিজ্ঞানভিত্তিক ব্যৱসায় আৰম্ভ কৰিছিল মণিৰাম দেৱানে।
এনে ব্যৱসায়িক চিন্তাৰ ওপৰিও মণিৰাম দেৱান আছিল তেতিয়াৰ অসমৰ সামগ্ৰিক ৰাজনৈতিক প্ৰেক্ষাপটক লৈ সচেতন।বৃটিছ কোম্পানী শাসনৰ ফলত পৰম্পৰাগত অসমৰ আৰ্থিক, সামাজিক, ৰাজনৈতিক,শ্ৰেণী বিভাজন আদিত পৰা কু-প্ৰভাৱ আৰু এই সমূহৰ নিৰাময়ৰ বাবে কলিকতা আদালতৰ মোফাট মিলছলৈ দাবীপত্ৰ প্ৰেৰণ কৰিছিল।এনে দাবী সমূহৰ বাবে কোম্পানী শাসনৰ বাবে দেৱান হৈ পৰিছিল চকুৰ কূটা,দাঁতৰ হুল।যাৰ বাবে পৰৱৰ্তী সময়ত বৃটিছ ইষ্ট ইণ্ডিয়া কোম্পানীয়ে ব্যৱসায়িক দিশত মণিৰাম দেৱানে লাভ কৰি থকা বিভিন্ন সুবিধা কৰ্তন কৰে।এনে সময়তে মীৰাটৰ ভাৰতীয় বৃটিছ সৈন্যৰ মাজত আৰম্ভ হ’ল চিপাহী বিদ্ৰোহ।বৃটিছ কোম্পানীৰ বিৰুদ্ধে ভাৰতীয় মূলৰ চিপাহীয়ে আৰম্ভ কৰিলে সহস্ত্ৰ বিদ্ৰোহ।এই বিদ্ৰোহৰ জুই সমগ্ৰ ভাৰতত বিয়পি পৰিল।বৃটিছ কোম্পানীৰ শাসন এটা এটাকৈ খহি পৰিল।এনে সময়ত অসমত মণিৰাম দেৱানে অসমৰ পৰা কোম্পানী শাসন ওফৰাবলৈ বিদ্ৰোহী শিৱিৰৰ সৈতে যোগাযোগ কৰিলে।কিন্তু দুৰ্ভাগ্য বশতঃ এনে যোগাযোগ কোম্পানীৰ শাসনৰ আগত ধৰা পৰিল।অৱশেষত নামমাত্ৰ বিচাৰৰ ভাওনা পাতি কোম্পানী শাসন ওফৰোৱাৰ ষড়যন্ত্ৰৰ অভিযোগত মণিৰাম দেৱানৰ ফাঁচীৰ আদেশ হল।২৬ ফেব্ৰুৱাৰী ১৮৫৮ চনত যোৰহাট কাৰাগাৰত মণিৰাম দেৱানক ফাঁচী দিয়া হল।
অসমৰ ৰাজনৈতিক, অৰ্থনৈতিক, সামাজিক আদি দিশৰ এজন ব্যক্তি দেশৰ বাবে শ্বহীদ হল।’বুৰঞ্জী বিবেক ৰত্ন’ নামৰ পুথি ৰচয়িতা, কলিকতাৰ সমাচাৰ দৰ্পণত অসমৰ সামগ্ৰিক পৰিস্থিতি সম্পৰ্কে প্ৰকাশ কৰা এইজন মণিৰাম দেৱানৰ আজি মৃত্যু দিৱস।কিন্তু এইজন দেৱানে আজিৰ দিনত স্বীকৃতি পালে নে!!শ্বহীদ মণিৰাম দেৱানৰ কৰ্মৰাজি,ত্যাগৰ মল্যায়ণ হল নে?গুৱাহাটীৰ বাণিজ্য কেন্দ্ৰ অথবা এটা ছাত্ৰাৱাসৰ নাম মণিৰাম দেৱানৰ নামত নামাকৰণেই জানো তেওঁৰ প্ৰতি সৰ্বোচ্চ সন্মান?চেম্বাৰছ অৱ কমাৰ্ছে তেওঁৰ স্মৃতিত গ্ৰহণ কৰা উদ্যমিতা দিৱসৰ পদক্ষেপ আদৰণীয়।কিন্তু এতিয়াও মণিৰাম দেৱান পাব লগা সন্মানৰ পৰা বঞ্চিত।

নাজিৰাত যক্ষ্মাৰোগৰ সজাগতা সভা

নাজিৰাত যক্ষ্মাৰোগৰ সজাগতা সভা

ফাষ্টনিউজ ৰিপৰ্ট, নাজিৰা, ২৬ ফেব্ৰুৱাৰী

সংশোধিত ৰাষ্ট্ৰীয় যক্ষ্মা নিয়ন্ত্ৰন আঁচনিৰ অধীনত শিৱসাগৰ জিলা স্বাস্থ্য বিভাগৰ গেলেকী গোটৰ উদ্যোগত আজি নাজিৰাৰ হোটেল ভিল্লাত এখনি যক্ষ্মাৰোগ সজাগতা সভা সম্পন্ন হয় । এই সজাগতা সভাত জিলা বিষয়া ডা০ উদয়াদিত্য ৰাজকোঁৱৰে উপস্থিত সংৱাদকৰ্মী সকলক যক্ষ্মাৰোগ কেনেদৰে বিয়পে আৰু ইয়াৰ কেনেদৰে চিকিতসা কৰি ৰোগ নিৰাময় কৰিব পাৰি ইয়াৰ এক বহল বাখ্যা দাঙি ধৰে । উল্লেখযোগ্য যে শিৱসাগৰ জিলাত এই যক্ষ্মাৰোগ ক্ৰমাত বৃদ্ধি পাইছে । সেয়েহে ৰাইজক সজাগতা কৰাৰ লক্ষৰে স্বাস্থ্য বিভাগে ইয়াক নিৰাময় কৰিবৰ বাবে বিশেষ ব্যৱস্থা গ্ৰহণ কৰিছে । এই ক্ষেত্ৰত ৰাইজৰ সম্পুৰ্ণ সহায় সহযোগ অবিহনে এই কাম কৰিব পৰা নাযায়, তেনে ক্ষেত্ৰত ৰোগীৰ লগতে ৰাইজকো সজাগ হৈ থাকিবলৈ জনাই স্বাস্থ্য বিভাগৰ কাৰ্যসুচী সমুহত উপস্থিত থাকি ৰোগীৰ ক্ষেত্ৰত কৰিবলগীয়া নিয়ম সমুহ সমাপন কৰিবলৈ অনুৰোধ জনাইছে । আজিৰ এই সজাগতা সভাত নাজিৰা মহকুমা স্বাস্থ্য বিষয়া ডা০ অমৃত শইকীয়া, ডা০ প্ৰদ্যুত কোঁৱৰ, ডা০ প্ৰবীন কোঁৱৰ, ডা০ মুবিদুৰ ৰহমানকে আদি কৰি নাজিৰাৰ প্ৰায় সংখ্যক সংবাদকৰ্মী উপষ্ঠিত আছিল ।
নাজিৰাৰ পৰা
মুনীন্দ্ৰ নাথ শইকীয়া

ভৱানীপুৰৰ চাৰালপাৰাত আধাৰশিলা স্থাপন

ভৱানীপুৰৰ চাৰালপাৰাত আধাৰশিলা স্থাপন

সঞ্জীৱ দাস, ভৱানীপুৰ, ২৬ ফেব্ৰুৱাৰীঃ ভৱানীপুৰ বিধানসভা সমষ্টিৰ অন্তৰ্গত চাৰালপাৰাত আজি এটি পকী পথৰ আধাৰশিলা স্থাপন কৰে সৰভোগ বিধানসভা সমষ্টিৰ বিধায়ক তথা হাউচফেডৰ অধ্যক্ষ ৰঞ্জিত কুমাৰ দাসে। উল্লেখ্য, ভৱানীপুৰ বিধানসভা সমষ্টিৰ ৩১ নং ৰাষ্ট্ৰীয় ঘাইপথৰ পৰা চাৰালপাৰা গাঁওলৈ যোৱা পথটো গড়কাপ্টানি বিভাগৰ এছ অ’ পি ডি- এফডিআৰ আঁচনিৰ অধীনত ৩৬ লাখ ৪৫ হেজাৰ টকা ব্যয় সাপেক্ষে পকীকৰণ কৰিবলৈ লোৱা হৈছে বুলি দাসে জনায়।ইপিনে, পথৰ আধাৰশিলা স্থাপনৰ লগত সংগতি ৰাখি ভৱানীপুৰ বিধান সভা সমষ্টিত বিজেপি চৰকাৰে গ্ৰহণ কৰা কেবাটাও উন্নয়ণমূলক আঁচনিৰ বিষয়েও উল্লেখ কৰে ৰঞ্জিত কুমাৰ দাসে। আজিৰ আধাৰশিলা স্থাপন অনুষ্ঠানটিত বিজেপিৰ অসম ৰাজ্যিক সমিতিৰ কাৰ্যনিৰ্বাহক সদস্য গোপীৰাম নাথ, ফণী পাঠককে বহুকেইটা সদস্য উপস্থিত থাকে।

গোলাঘাট আঞ্চলিক ছাত্ৰসন্থাৰ সহ : সম্পাদক মাধুৰ্য্যজিৎ বৰাৰ অকাল বিয়োগ

গোলাঘাট আঞ্চলিক ছাত্ৰসন্থাৰ সহ : সম্পাদক মাধুৰ্য্যজিৎ বৰাৰ অকাল বিয়োগ : গোলাঘাট ,২৬ ফেব্ৰুৱাৰী : গোলাঘাট জিলা ছাত্ৰসন্থাৰ সক্ৰিয় কৰ্মী তথা গোলাঘাট আঞ্চলিক ছাত্ৰসন্থাৰ সহকাৰী সাধাৰণ সম্পাদক মাধুৰ্য্যজিৎ বৰা আৰু নাই। সকলোৰে মাজত ‘আলু’ নামেৰে অতিকৈ জনপ্ৰিয় ছাত্ৰনেতাজন আজি গুৱাহাটীৰ হায়াট হস্পিতেলত সকলোকে কন্দুৱাই অকাল মৃত্যুক সাৱটি লয়। জানিব পৰা মতে , শিৰৰ এক অষ্ট্ৰোপচাৰ সম্পন্ন হোৱাৰ পিছতেই ছাত্ৰনেতাজনে মাত্ৰ ২৩ বছৰ বয়সতে জীৱনৰ পৰা মেলানি মাগে। ছাত্ৰনেতাজনৰ মৃত্যুৰ বাতৰি বিয়পি পৰাৰ লগে লগে সমগ্ৰ গোলাঘাটত এক শোকৰ পৰিবেশ বিৰাজ কৰে। গোলাঘাট জিলা ছাত্ৰসন্থাৰ সভাপতি নিৰঞ্জন সোনোৱাল, সম্পাদক প্ৰিঞ্চ দলে , মহকুমা তথা আঞ্চলিকৰ যদুমনি গগৈ ,অংশুমান বৰুৱা, বিশ্বজিৎ গগৈকে প্ৰমূখ্য কৰি সমূহ ছাত্ৰকৰ্মীয়ে গভীৰ শোক প্ৰকাশ কৰি শোকসন্তপ্ত পৰিয়ালটিলৈ সমবেদনা জ্ঞাপন কৰে। গোলাঘাট তেতেলীতল নিৱাসী মাধুৰ্য্যজিৎ ছাত্ৰ সংগঠনটিৰ একনিষ্ঠ কৰ্মী হোৱাৰ লগতে সকলোৰে অতিকৈ প্ৰিয় আছিল। আজি তেওঁৰ এনে আকস্মিক মৃত্যুক গোলাঘাটবাসীয়ে সহজভাৱে ল’ব পৰা নাই।

ৰঙিয়াত এদিনীয়া উদ্যোগিক সজাগতা শিবিৰ সম্পন্ন

ৰঙিয়াত এদিনীয়া উদ্যোগিক সজাগতা শিবিৰ সম্পন্ন
ৰাজ্যত উদ্যোগীকৰণে এক নতুন মাত্ৰা লৈছে—উপায়ুক্ত কমল কুমাৰ বৈশ্য

প্ৰতিবেদক, ৰঙিয়া,২৬ ফেব্ৰুৱাৰী : গুৱাহাটীৰ জালুকবাৰীৰ পৰা কুকুৰমাৰা আৰু টিহুলৈ উদ্যোগিক কৰিড’ৰৰ সৃষ্টি হৈছে । উদ্যোগ স্থাপনৰ বাবে ৰাজ্য চৰকাৰখনে গ্ৰহণ কৰা প্ৰচেষ্টাৰ বাবে যুৱশক্তি আগবাঢ়ি আহিছে। ৰাজ্যত উদ্যোগীকৰণে এক নতুন মাত্ৰা লৈছে, এয়া এক শুভ লক্ষণ। ৰঙিয়াৰ ৰাইজমেল কৃষক শ্বহীদ ভৱনত আয়োজিত ‘এদিনীয়া জিলা পৰ্য্যায়ৰ উদ্যোগিক সজাগতা কাৰ্য্যসূচী’ত মুখ্য অতিথিৰ ভাষণত আজি এইদৰে কয় কামৰূপৰ উপায়ুক্ত কমল কুমাৰ বৈশ্যই । উল্লেখ্য যে ,অসম চৰকাৰৰ উদ্যোগ আৰু বাণিজ্য বিভাগৰ পৃষ্ঠপোষকতাত কামৰূপ জিলাৰ মিৰ্জাস্থিত জিলা বাণিজ্য আৰু উদ্যোগ কেন্দ্ৰৰ সহযোগত নে’ডৱে অনুষ্ঠিত কৰা এই ঔদ্যোগিক সজাগতা কাৰ্য্যসূচীৰ বন্তি প্ৰজ্জ্বলনেৰে শুভাৰম্ভ কৰে উপায়ুক্ত বৈশ্যই । তেখেতক সহযোগ কৰে ৰঙিয়া মহকুমাৰ ভাৰপ্ৰাপ্ত অতিৰিক্ত উপায়ুক্ত ডাঃ বেদাংগ তালুকদাৰে । মুখ্য অতিথিৰ ভাষণত উপায়ুক্ত গৰাকীয়ে কয় যে, অসমৰ অৰ্থনীতি মূলত: কৃষিজীৱি যদিও ঔদ্যোগীকৰণ নহলে কেৱল কৃষিক ভিত্তি কৰি দেশ এখন আগবাঢ়ি যাব নোৱাৰে । কিন্তু প্ৰশিক্ষণ আৰু আচঁনি অবিহনে দোকান-পোহাৰ আৰু উদ্যোগ স্থাপন কৰাৰ ফলত বেংকত ৠণ পৰিশোধ কৰিব নোৱাৰি ধাৰৰ বোজা বাঢ়ি গৈ পৰৱৰ্তী সময়ত উপযুক্ত উদ্যমীসকলে ৠণ লোৱাত বাধা আহি পৰে। সেয়েহে উপযুক্ত আচঁনি আৰু সু-প্ৰশিক্ষণ লৈ উদ্যোগ- বাণিজ্য স্থাপনৰ বাবে আগবাঢ়ি আহিবলৈ উপায়ুক্ত গৰাকীয়ে নতুন উদ্যোগীসকলক আহ্বান জনায় । সাৰগৰ্ভ বক্তৃতাত উপায়ুক্ত গৰাকীয়ে উপযুক্ত উদ্যোগ-বাণিজ্য স্থাপনৰ বাবে সকলো ধৰণৰ সহায়-সহযোগিতা আগবঢ়োৱাৰ প্ৰতিশ্ৰতি প্ৰদান কৰে।কাৰ্য্যসূচীত বিশিষ্ট অতিথিৰূপে অংশ লৈ ৰঙিয়া মহকুমাৰ ভাৰপ্ৰাপ্ত অতিৰিক্ত উপায়ুক্ত ডাঃ বেদাংগ তালুকদাৰে উদ্যোগ-বাণিজ্য স্থাপনৰ বাবে ৰাজ্য চৰকাৰখনে গ্ৰহণ কৰা আচঁনি সমূহৰ দ্বাৰা জনসাধাৰণে সুফল লাভ কৰিছে বুলি বক্তব্য উপস্থাপন কৰে । তেখেতে জনসাধাৰণৰ আৰ্থ-সামাজিক উন্নয়নৰ বাবে প্ৰশাসনৰ তৰফৰ পৰা সৰ্বতোভাৱে প্ৰচেষ্টা হাতত লোৱা হ’ব বুলি ভাষণত উল্লেখ কৰে। লক্ষণীয় যে, কাৰ্য্যভাৰ গ্ৰহণৰ পিছত এইখনেই আছিল ৰঙিয়া মহকুমাৰ ভাৰপ্ৰাপ্ত অতিৰিক্ত ডাঃ বেদাংগ তালুকদাৰৰ প্ৰথম ৰাজহুৱা সভা । জিলা উদ্যোগ আৰু বাণিজ্য কেন্দ্ৰৰ কাৰ্য্যকৰী পৰিচালক অৰূপ ভঁৰালীয়ে আঁত ধৰা এই অনুস্থানত জিএম কমল লোচন বৈশ্য, সহকাৰী পৰিচালক অংকিতা কাশ্যপ, ভাৰতীয় ষ্টেট বেংকৰ কল্লোল চৌধূৰী, মহকুমা তথ্য আৰু জনসংযোগ বিষয়া হেমন্ত কুমাৰ শৰ্মা,অসম গ্ৰামীণ বিকাশ বেংকৰ শাখা পৰিচালক মৃণ্ময় দাস, চেণ্ট্ৰেল বেংক অব্ ইণ্ডিয়াৰ ক্ষেত্ৰ বিষয়া দিপাংকৰ হুজুৰী, হস্ত-তাতঁ আৰু উদ্যোগ বিভাগৰ সহকাৰী সঞ্চালক নজৰুল আনোৱাৰ, উদ্যমী যুৱক যুৱতী আদিকে ধৰি স্থানীয় বহু গণ্য-মান্য লোক উপস্থিত থাকে।
প্ৰেৰক, পহৰেদ আলী আহমেদ ।ৰঙিয়া ।

হায়দৰাবাদস্থিত যশোদা হাস্পাতালত আধুনিক পদ্ধতিৰে আঁঠুৰ ৰোগৰ চিকিৎসা

 

ষ্টাফৰিপৰ্টাৰ,,,,২৫ ফেব্ৰুৱাৰী।।। হায়দৰাবাদস্থিত যশোদা হাস্পাতালত সফলতাৰ সম্পন্ন কৰা হৈছে যিকোনো আঁঠু সম্বন্ধীয় ৰোগৰ চিকিৎসা। এই চিকিৎসাৰ জৰিয়তে কেইবাগৰাকীও ৰোগীয়ে উক্ত হাস্পাতালত চিকিৎসা গ্ৰহণ সু- ফল লাভ কৰিবলৈ সক্ষম হৈছে । আঁঠু,কান্ধ, নিউৰ’লজিকেলকেল আদি কেইবাটাও ৰোগ ইতিমধ্যে নতুন প্ৰযুক্তিৰ দ্বাৰা হাস্পাতাল খনে নিৰাময় কৰাত সফল হৈছে। বৃহস্পতি বাৰে গুৱাহাটীৰ বশিষ্ঠ চাৰিআলি স্থিত যশোদা ক্লিনিকত সাংবাদিকৰ সৈতে হোৱা এক মত-বিনিময় অনুষ্ঠানত হাস্পাতাল খনৰ অৰ্থ’পেডিক ছার্জন ডাঃ বেদ প্ৰকাশে এই সন্দৰ্ভত জনাবলৈ দিয়ে। তেওঁ মাল্টি স্পেচিয়েলিটী হাস্পাতাল খনত শেহতীয়াকৈ কেইবাটাও জটিল ৰোগত আক্ৰান্ত ৩৪ বছৰীয়া আলীপুৰদ্বাৰ নিবাসী অভিজিত বচাক নামৰ ৰোগী এজনৰ সফলতাৰে চিকিৎসা সম্পন্ন হোৱা বুলি উল্লেখ কৰি কয়”-অভিজিত বাচাক লোকজন কেইবাটাও জটিল ৰোগত আক্ৰান্ত হৈছিল। বিশেষকৈ কঁকালৰ দুয়োকাষৰ হাড়ৰ অত্যন্ত বিষৰ বাবে তেওঁ দৈনন্দিন কাম কাজ কৰিব পৰা নাছিল। তেওঁ যেতিয়া চিলিগুৰিস্থিত যশোদা হাস্পাতালত মোৰ ওচৰ চাপে তেতিয়া মই তেওঁৰ কেইবাটাও পৰীক্ষা কৰি হায়দৰাবাদস্থিত যশোদা হাস্পাতালত অস্ত্ৰোপচাৰৰ উপদেশ দিওঁ। ডাক্তৰ গৰাকীয়ে লগতে কয়”ৰোগীজনৰ কঁকালৰ বাওঁফালৰ হাড়ৰ জইন্ট ৰিপ্লেছমেণ্ট কৰা হয়।অস্ত্ৰোপচাৰৰ দুসপ্তাহত ৰোগী জনৰ বিষ উপশম হয় আৰু বৰ্তমান তেওঁ সুস্থ। যশোদা হাস্পাতালে আধুনিক চিকিৎসাৰে তেওঁক সুস্থ কৰি তুলিলে।

চতুৰ্থ গুৱাহাটী ইণ্টাৰনেচনেল মিউজিক ফেষ্টিভেল

 

ষ্টাফৰিপৰ্টাৰ,,,,২৫ ফেব্ৰুৱাৰী: ভাৰত চৰকাৰৰ নৰ্থ ইষ্ট কাউন্সিলৰ সহযোগত ইষ্টাৰ্ণ বীটছ মিউজিক ছ’ছাইটিয়ে আয়োজন কৰা চতুৰ্থ গুৱাহাটী ইণ্টাৰনেচনেল মিউজিক ফেষ্টিভেল ২৮ ফেব্ৰুৱাৰীৰ পৰা ১ মাৰ্চলৈ অনুষ্ঠিত কৰা হৈছে। দুদিনীয়া কাৰ্যসূচীৰে গুৱাহাটীৰ শিল্পগ্ৰামত অনুষ্ঠিত কৰা এই ফেষ্টিভেলৰ অংশ হিচাপে ২৮ ফেব্ৰুৱাৰীত পোনপ্ৰথমে বাৰৰ বাবে গুৱাহাটীৰ নেডফি হাউছত উদ্যোগটোৰ অগ্ৰণী ব্যক্তি সকলৰ উপস্থিতিত অনুষ্ঠিত কৰা হ’ব “নৰ্থ ইষ্ট ইণ্ডিয়া মিউজিক কনফাৰেন্স”। এইবাৰ এই মিউজিক ফেষ্টিভেলত দক্ষিণ পূব এছিয়াৰ শীৰ্ষ শিল্পী সকলৰ লগতে আন বহুতো শিল্পীয়ে অংশগ্ৰহণ কৰিব। ২৯ ফেব্ৰুৱাৰী আৰু ১ মাৰ্চত বিয়লি তিনি বজাৰ পৰা মুকলি হ’বলগীয়া এই অনুষ্ঠানৰ প্ৰৱেশ সম্পূৰ্ণ বিনামূলীয়া। চতুৰ্থ গুৱাহাটী ইণ্টাৰনেচনেল মিউজিক ফেষ্টিভেলত এইবাৰ ভাৰতৰ কেইবাগৰাকীও জনপ্ৰিয় তথা প্রতিষ্ঠিত শিল্পী ক্ৰমে লাকী আলী, বেনী দয়াল, আৰু তেওঁৰ ব্ৰেণ্ড ফাংকচুৱেছন আৰু থাইলেণ্ডৰ ফ’ক-ফিউজন ছুপাৰ গ্ৰুপ এছিয়া-ছেভেন-এ অংশগ্ৰহণ কৰিব। মঙলবাৰে এই উপলক্ষে গুৱাহাটী প্ৰেছ ক্লাৱত এখন সাংবাদমেলৰ আয়োজন কৰা হয়। সংবাদমেলত উপস্থিত থাকি গুৱাহাটী ফেষ্টিভেলৰ প্ৰতিষ্ঠাপক আয়ুষ্মান দত্তই কয়”-উত্তৰ পূৰ্বাঞ্চলৰ বিভিন্ন প্ৰান্তত অ’ডিশ্যন অনুষ্ঠিত কৰাৰ পাছত আমি চতুৰ্থ গুৱাহাটী ইণ্টাৰনেচনেল মিউজিক ফেষ্টিভেল অনুষ্ঠিত কৰিব ওলাইছোঁ। এই ফেষ্টিভেলত ১০’০০০ জনতা আৰু ৫০০ গৰাকী অংশগ্ৰহণকাৰী একত্ৰিত হ’ব। তেওঁ লগতে কয়”-এই ফেষ্টিভেলে অঞ্চলটোৰ বিভিন্ন জনতা, শিল্পীৰ লগতে বিশ্বৰ বিভিন্ন প্ৰান্তৰ বিশেষকৈ এছিয়া আৰু দক্ষিণ পূৱ এছিয়াৰ শিল্পী সকলৰ মাজত ভিন্ন সাংস্কৃতিৰ আলোচনাৰ আয়োজন কৰি আহিছে।” উল্লেখযোগ্য যে, এই ফেষ্টিভেলত উত্তৰ পূৱ ভাৰতীয় খাদ্য মেলাও অনুষ্ঠিত কৰা হ’ব, য’ত উত্তৰ পূৰ্বাঞ্চলৰ আটাইকেইখন ৰাজ্যৰ পৰা অহা স্থানীয় বিপণীয়ে অংশগ্ৰহণ কৰিব। ২৯ ফেব্ৰুৱাৰীৰ বিয়লি ৩ বজাৰ ১ মাৰ্চলৈ দুৱাৰ মুকলি থাকিব। তদুপৰি ১ মাৰ্চত গৃহিনী সকলৰ বাবে এক স্থানীয় খাদ্য সম্ভাৰৰ প্ৰতিযোগিতা অনুষ্ঠিত হ’ব। ইচ্ছুকসকলে ৮৬৩৮৭১২৫৪৩ নম্বৰত যোগাযোগ কৰিব পাৰিব।

Recent Posts

গৰীয়া-মৰিয়া-দেশীৰ দৰে কাছাৰী মুছলমানৰো হ’ব জৰীপ*

  _৭ মার্চত দিছপুৰত মন্ত্ৰী ৰঞ্জিত দত্তৰ সঞ্চালনাত প্ৰতিনিধিত্বমূলক সভা_   ষ্টাফৰিপোৰ্টাৰ, ২৬ ফেব্ৰুৱাৰী: গৰিয়া, মৰিয়া, দেশী আৰু জোলহা আদি খিলঞ্জীয়া মুছলিম জনগোষ্ঠীসমূহৰ দৰে ৰাজ্যৰ কাছাৰী মুছলিম জনগোষ্ঠীৰো আৰ্থ-সামাজিক অৱস্থাৰ জৰীপ কৰোৱাৰ সিদ্ধান্ত গ্ৰহণ কৰিছে ৰাজ্য চৰকাৰে৷ এই সন্দর্ভত আলোচনা কৰিবৰ বাবে ৭ মার্চৰ দিনা অসম চৰকাৰৰ সংখ্যালঘু বিভাগে এখন বৈঠকৰ …

Read More »

মহানগৰীত “এন কে হোটেল” মুকলি জুবিন গাৰ্গৰ*

*”বিজেপি নেতা পবিত্ৰ মাৰ্ঘেৰিটাৰ সন্মুখতে জুবিনে ক’লে “ন’ কা”* ষ্টাফৰিপোৰ্টাৰ, ২৬ ফেব্ৰুৱাৰীঃ* মহানগৰীৰ কাহিলীপাৰাৰ জটীয়াত বুধবাৰে অয় টাউনহাউচৰ সহযোগত বিলাসী হোটেল এন কে হোটেল মুকলি কৰে জনপ্ৰিয় শিল্পী জুবিন গাৰ্গে। এন কে প্ৰডাকচনৰ উত্তৰসূৰী নিত্য বৰকটকীৰ মালিকানাধীন হোটেলখনৰ শুভ উদ্বোধনী অনুষ্ঠানত উপস্থিত থাকে অসমৰ বহুকেইগৰাকী স্বনামধন্য শিল্পীৰ লগতে জ্যোতিচিত্ৰবনৰ অধ্যক্ষ …

Read More »

বামুণি গাঁৱত ৩৬ গৰাকী মহিলা উদ্যোগীক সম্বৰ্ধনা

  , ষ্টাফৰিপোৰ্টাৰ,২৬ ফেব্ৰুৱাৰী।।।ইণ্টাৰগ্লোব ফাউণ্ডেশ্যনৰ পুঁজিৰে ধৃতি-“দ্যা কাৰেজ উইডইনে ৰূপায়ন কৰা প্ৰগতি প্ৰকল্পৰ অধীনত ক্ষুদ্ৰ উদ্যোগৰ আৰ্হিৰে মহিলাসকলক এশ শতাংশ প্ৰাকৃতিকভাৱে পচন হোৱা তামোলৰ পাতৰ প্লেট সাজি উলিয়াবলৈ মহিলা সকলক অন্তৰ্ভুক্তকৰণ কৰা হৈছে। ইয়াত ইণ্টাৰগ্লোব ফাউনণ্ডেচনে পুঁজি যোগান ধৰাৰ বিপৰীতে অসম ভিত্তিক তামোল প্লেট মাৰ্কেটিং প্ৰাইভেট লিমিটেডে কৰিকৰী সুবিধা আগবঢ়াইছে। …

Read More »

বৃহত্তৰ হাতীগাৱ সাৰ্বজনীন দুৰ্গা পূজাথলী উন্নয়ন আৰু পৰিচালনা সমিতিৰ সাধাৰণ সভা সম্পন্ন

  ষ্টাফৰিপোৰ্টাৰ, ২৬ ফেব্ৰুৱাৰী : বৃহত্তৰ হাতীগাৱ সাৰ্বজনীন দুৰ্গা পূজাথলী উন্নয়ন আৰু পৰিচালনা সমিতিৰ উদ্যোগত ২৩ ফেব্ৰুৱাৰীত বজাত হাতীগাৱৰ দুৰ্গা মন্দিৰ পথৰ কেতেকীতলত এখন সাধাৰণ সভা অনুষ্ঠিত হয়। এই সভাত সৰ্বসন্মতি ক্ৰমে আগন্তুক ত্ৰি-বাৰ্ষিক (২০২০-২০২৩) চনৰ সমিতি খন ক্ৰমে বিকাশ ৰায়মেধিক সভাপতি, গুনজিত অধিকাৰীক কাৰ্যকৰী সভাপতি, নাৰায়ণ ৰায়মেধিক, পৱন চন্দ্ৰ …

Read More »

ইউ এছ টি এমে মুকলি কৰিলে গ্ৰীণ এনাৰ্জী বাহন

  ষ্টাফৰিপোৰ্টাৰ , ২৬ ফেব্ৰুৱাৰী : ন মাইলস্থিত ইউ এছ টি এমে সেউজ চৌহদ কাৰ্যকৰী কৰণৰ অংশ স্বৰূপে বুধবাৰে মুকলি কৰিলে গ্ৰীণ এনাৰ্জী বাহন। এই গ্ৰীণ এনাৰ্জী বাহন দুখনৰ বুধবাৰে ফ্লেগ অফ কৰে “আমাৰ অসম”ৰ সম্পাদক প্ৰশান্ত ৰাজগুৰুয়ে। এই অনুষ্ঠানত ইউ এছ টি এমৰ আচাৰ্য মহববুল হক, উপাচাৰ্য ড০ মৃদুল …

Read More »

নগৰিকত্ব সংশোধনী আইন ( কা) বাতিল, গণতন্ত্ৰ ৰক্ষা আৰু জীৱন-জীৱিকাৰ অধিকাৰৰ দাবীত চি পি আই ( এম-এল) ৰ প্ৰচাৰ অভিযান

  ষ্টাফৰিপোৰ্টাৰ , ২৬ ফেব্ৰুৱাৰী : নগৰিকত্ব সংশোধনী আইন ( কা) বাতিল, গণতন্ত্ৰ ৰক্ষা আৰু জীৱন-জীৱিকাৰ অধিকাৰৰ দাবীত চি পি আই ( এম-এল) য়ে প্ৰচাৰ অভিযান আৰম্ভ কৰিব- বুধবাৰে গুৱাহাটী প্ৰেছ ক্লাৱত চি পি আই (এম এল) ৰ উদ্যোগত অনুষ্ঠিত এখন সংবাদমেল যোগে এই কথা সদৰী কৰে চি পি আই …

Read More »

ভাৰতৰ শিক্ষা সংস্কাৰত বিদ্যা ভাৰতীয়ে এক বিশেষ ভূমিকা পালন কৰি আহিছে – ৰামকৃষ্ণ ৰাও

ভাৰতৰ শিক্ষা সংস্কাৰত বিদ্যা ভাৰতীয়ে এক বিশেষ ভূমিকা পালন কৰি আহিছে – ৰামকৃষ্ণ ৰাও পঙ্কজ নাথ, চাংসাৰি, ২৬ ফ্ৰেব্ৰুৱাৰী : মুক্তধাৰা সভাগাৰ, আগৰতলাত প্ৰয়াত কৃষ্ণ চন্দ্ৰ গান্ধী সোঁৱৰণী বঁটা কালি ২৫ ফেব্ৰুৱাৰীত প্ৰদান কৰা হয়। বিদ্যা ভাৰতীৰ ৰাষ্ট্ৰীয় অধ্যক্ষ ৰামকৃষ্ণ ৰাওঁ, স্বামী চিত্ৰৰঞ্জন মহাৰাজ, ত্ৰিপুৰাৰ উপমূখ্যমন্ত্ৰী জিশ্ৰু দেৱ শৰ্মাই দীপ …

Read More »

নলবাৰীৰ নাট্য মন্দিৰত চলচ্চিত্ৰ উৎসৱ- ২০২০

নলবাৰীৰ নাট্য মন্দিৰত চলচ্চিত্ৰ উৎসৱ- ২০২০ *ৰূপক বৈশ্য, ফাৰ্ষ্ট নিউজ ৰিপোৰ্ট, নলবাৰী, ২৬ ফেব্ৰুৱাৰী* অসম চৰকাৰৰ সাংস্কৃতিক সঞ্চালকালয়ৰ উদ্যোগত আৰু নলবাৰী জিলা প্ৰশাসনৰ সহযোগত অহা ২৭ আৰু ২৮ ফেব্ৰুৱাৰীত নলবাৰী নাট্যমন্দিৰত দুদিনীয়া চলচ্চিত্ৰ মহোৎসৱ- ২০২০ ৰ আয়োজন কৰিছে বুলি জানিব পৰা গৈছে ৷ ২৭ ফেব্ৰুৱাৰীত দিনৰ ১১ বজাত পৰিচালক জাহ্নু …

Read More »

আজি মণিৰাম দেৱানৰ ১৬২ বছৰীয়া মৃত্যু দিৱসঃ

আজি মণিৰাম দেৱানৰ ১৬২ বছৰীয়া মৃত্যু দিৱসঃ অসমৰ প্ৰথম গৰাকী পঞ্জীকৃত ব্যৱসায়ীৰ প্ৰতি চেম্বাৰছ অৱ কমাৰ্ছৰ সন্মান : আয়োজন কৰিছে ‘উদ্যমিতা দিৱস’ঃ এতিয়াও স্বীকৃতি লাভ কৰা নাই শ্বহীদ গৰাকীয়ে* শিৱসাগৰ , ২৬ ফেব্ৰুৱাৰী : মণিৰাম দেৱান।স্বাধীনতা আন্দোলনৰ অসমৰ অন্যতম প্ৰথম শ্বহীদ।বৃটিছ ইষ্ট ইণ্ডিয়া কোম্পানীৰ শাসন অসমৰ পৰা ওফৰাই পেলোৱাৰ চেষ্টা …

Read More »

নাজিৰাত যক্ষ্মাৰোগৰ সজাগতা সভা

নাজিৰাত যক্ষ্মাৰোগৰ সজাগতা সভা ফাষ্টনিউজ ৰিপৰ্ট, নাজিৰা, ২৬ ফেব্ৰুৱাৰী সংশোধিত ৰাষ্ট্ৰীয় যক্ষ্মা নিয়ন্ত্ৰন আঁচনিৰ অধীনত শিৱসাগৰ জিলা স্বাস্থ্য বিভাগৰ গেলেকী গোটৰ উদ্যোগত আজি নাজিৰাৰ হোটেল ভিল্লাত এখনি যক্ষ্মাৰোগ সজাগতা সভা সম্পন্ন হয় । এই সজাগতা সভাত জিলা বিষয়া ডা০ উদয়াদিত্য ৰাজকোঁৱৰে উপস্থিত সংৱাদকৰ্মী সকলক যক্ষ্মাৰোগ কেনেদৰে বিয়পে আৰু ইয়াৰ কেনেদৰে …

Read More »

ভৱানীপুৰৰ চাৰালপাৰাত আধাৰশিলা স্থাপন

ভৱানীপুৰৰ চাৰালপাৰাত আধাৰশিলা স্থাপন সঞ্জীৱ দাস, ভৱানীপুৰ, ২৬ ফেব্ৰুৱাৰীঃ ভৱানীপুৰ বিধানসভা সমষ্টিৰ অন্তৰ্গত চাৰালপাৰাত আজি এটি পকী পথৰ আধাৰশিলা স্থাপন কৰে সৰভোগ বিধানসভা সমষ্টিৰ বিধায়ক তথা হাউচফেডৰ অধ্যক্ষ ৰঞ্জিত কুমাৰ দাসে। উল্লেখ্য, ভৱানীপুৰ বিধানসভা সমষ্টিৰ ৩১ নং ৰাষ্ট্ৰীয় ঘাইপথৰ পৰা চাৰালপাৰা গাঁওলৈ যোৱা পথটো গড়কাপ্টানি বিভাগৰ এছ অ’ পি ডি- …

Read More »

গোলাঘাট আঞ্চলিক ছাত্ৰসন্থাৰ সহ : সম্পাদক মাধুৰ্য্যজিৎ বৰাৰ অকাল বিয়োগ

গোলাঘাট আঞ্চলিক ছাত্ৰসন্থাৰ সহ : সম্পাদক মাধুৰ্য্যজিৎ বৰাৰ অকাল বিয়োগ : গোলাঘাট ,২৬ ফেব্ৰুৱাৰী : গোলাঘাট জিলা ছাত্ৰসন্থাৰ সক্ৰিয় কৰ্মী তথা গোলাঘাট আঞ্চলিক ছাত্ৰসন্থাৰ সহকাৰী সাধাৰণ সম্পাদক মাধুৰ্য্যজিৎ বৰা আৰু নাই। সকলোৰে মাজত ‘আলু’ নামেৰে অতিকৈ জনপ্ৰিয় ছাত্ৰনেতাজন আজি গুৱাহাটীৰ হায়াট হস্পিতেলত সকলোকে কন্দুৱাই অকাল মৃত্যুক সাৱটি লয়। জানিব পৰা …

Read More »

ৰঙিয়াত এদিনীয়া উদ্যোগিক সজাগতা শিবিৰ সম্পন্ন

ৰঙিয়াত এদিনীয়া উদ্যোগিক সজাগতা শিবিৰ সম্পন্ন ৰাজ্যত উদ্যোগীকৰণে এক নতুন মাত্ৰা লৈছে—উপায়ুক্ত কমল কুমাৰ বৈশ্য প্ৰতিবেদক, ৰঙিয়া,২৬ ফেব্ৰুৱাৰী : গুৱাহাটীৰ জালুকবাৰীৰ পৰা কুকুৰমাৰা আৰু টিহুলৈ উদ্যোগিক কৰিড’ৰৰ সৃষ্টি হৈছে । উদ্যোগ স্থাপনৰ বাবে ৰাজ্য চৰকাৰখনে গ্ৰহণ কৰা প্ৰচেষ্টাৰ বাবে যুৱশক্তি আগবাঢ়ি আহিছে। ৰাজ্যত উদ্যোগীকৰণে এক নতুন মাত্ৰা লৈছে, এয়া এক …

Read More »

হায়দৰাবাদস্থিত যশোদা হাস্পাতালত আধুনিক পদ্ধতিৰে আঁঠুৰ ৰোগৰ চিকিৎসা

  ষ্টাফৰিপৰ্টাৰ,,,,২৫ ফেব্ৰুৱাৰী।।। হায়দৰাবাদস্থিত যশোদা হাস্পাতালত সফলতাৰ সম্পন্ন কৰা হৈছে যিকোনো আঁঠু সম্বন্ধীয় ৰোগৰ চিকিৎসা। এই চিকিৎসাৰ জৰিয়তে কেইবাগৰাকীও ৰোগীয়ে উক্ত হাস্পাতালত চিকিৎসা গ্ৰহণ সু- ফল লাভ কৰিবলৈ সক্ষম হৈছে । আঁঠু,কান্ধ, নিউৰ’লজিকেলকেল আদি কেইবাটাও ৰোগ ইতিমধ্যে নতুন প্ৰযুক্তিৰ দ্বাৰা হাস্পাতাল খনে নিৰাময় কৰাত সফল হৈছে। বৃহস্পতি বাৰে গুৱাহাটীৰ বশিষ্ঠ …

Read More »

চতুৰ্থ গুৱাহাটী ইণ্টাৰনেচনেল মিউজিক ফেষ্টিভেল

  ষ্টাফৰিপৰ্টাৰ,,,,২৫ ফেব্ৰুৱাৰী: ভাৰত চৰকাৰৰ নৰ্থ ইষ্ট কাউন্সিলৰ সহযোগত ইষ্টাৰ্ণ বীটছ মিউজিক ছ’ছাইটিয়ে আয়োজন কৰা চতুৰ্থ গুৱাহাটী ইণ্টাৰনেচনেল মিউজিক ফেষ্টিভেল ২৮ ফেব্ৰুৱাৰীৰ পৰা ১ মাৰ্চলৈ অনুষ্ঠিত কৰা হৈছে। দুদিনীয়া কাৰ্যসূচীৰে গুৱাহাটীৰ শিল্পগ্ৰামত অনুষ্ঠিত কৰা এই ফেষ্টিভেলৰ অংশ হিচাপে ২৮ ফেব্ৰুৱাৰীত পোনপ্ৰথমে বাৰৰ বাবে গুৱাহাটীৰ নেডফি হাউছত উদ্যোগটোৰ অগ্ৰণী ব্যক্তি সকলৰ …

Read More »